بخصوص اختبار قياس

السلام عليكم اخواتي الفاضلات

بصراحه اكبر ظلم للخريجات خاصه القديمات هذا الاختبار الرجال يسوون لهم الاختبار من اول ما يتخرج وتلقين فيه ناس متعثره وما تجيب نسب طيب اللي لهن سنين متخرجات وماحنا مثل الرجال لا دورات ولا معاهد ولا انديه ولا اي شي الوحده تزوره والا تثقف نفسها فيه اللهم النت اذا حصلتي فسحه من الوقت تقابلينه عكس الرجال اللي كل المجالات مفتوحه امامهم وعندهم سياراتهم توصلهم وين ما يبون
مافكرت التربيه ان مو الكل يقدر يدفع 200 عشان تسوي الاختبار
ما فكرت وزارة التربيه ان مو الكل عندها وسيلة مواصلات توديها لمقر الاختبار علما انه كثير من البنات تحتاج تقطع 50 والا 100 والا 200 كيلو
ما فكرت وزارة التربيه ان مو كل المناطق فيها مركز لاختبار القياس
في حال انهم الزمونا بالاختبار لازم تكون فيه استثناءات
المفروض نسأل الخنين عن الية الاختبار وهل يطبق على الجميع لانه المفروض يستثنى منه من مضى على تخرجها 3 سنوات فأكثر

وكذلك يستثنى منه من كان معها خبره من مدرسه اهليه والا معهد ومارست عملها كمعلمه بحكم انهن تم اختبارهن من قبل الاشراف ومن قبل عدد من الموجهات والتربويات وتمت الموافقه عليهن كمعلمات في تلك المدارس
الله يكتب لنا من امرنا الخيره