بخصوص استعادة مبلغ الضرائب

الاجرائات سهله ان شاء الله. اذا شريتي من محلات اكثر من خمسين او سبعين جنيه لكل كل محل حد معين و تقدرين تجمعين الفواتير من محل واحد و تعبين الاوراق من المحل، تقولين للكاشير انك تبين تاكس فري و لازم يكون معاكي الجواز لتثبتي انك من خارج البلد. و لازم يكون سفرك في خلال ثلاث شهور من الفاتوره. و المحلات الكبيره عندهم مطويات تشرحه بالتفصيل.
بعدين اذا وصلتي المطار تروحين لمكتب التاكس فري vat reclaim في علامات واضحه و لازم يكون معاكي الاغراض الي شريتيها يعني تروحين قبل ما تدخلين الشناط فافضل تروحين للمطار مبكر لان بعض المرات يكون المكان زحمه
تروينهم الاوراق من المحلات الي شريتي منها و بعض المرات يطلبوا منك يشوفوا الاشياء الي شريتيها...عاده يطلبوا اذا كان اشياء كهربائيه او مجوهرات او شنط لوي فيتون الملابس عاده ما يسالوا بس يعتمد على الشخص الي على المكتب. بعدين يختموا على الاوراق و يعطوكي الفلوس كاش او يرسلوكي شيك او يعيدوا الفلوس الى كرت الائتمان حسب ايش تطلبي.