بخصوص الاخت الي جاتها روعه على ولدها لما اغشي عليه ... معلومة مهمة للكل تعالوا

اول شي السلام عليكم ورحمة الله وبركاته

ثانيا حاولت لكتب لها على الخاص وصارت مقفلة خاصية استقبال الرسائل الخاصة مو مهم لعل في ذلك خيرة عشان الكل يقرون ويستفيدون وخاصة خاصة اللي عيالهم يغشي عليهم بسبب البكاء او العصبيه


معلومة مهمه جدا اول شي انا كنت اعاني من هالشي وكانت الغشوة هي البعبع بالنسبة لي واكثر شي اخاف منه الى ان وفقني الله وحده وسمعت نصيحة من دكتورة ولما سمعت كلامها انقشعت الغمة عن عيني وماعاد اهتم


تدرون ليه ؟! لانها قالت لي ان التنفس والرئتين من الحركات اللا إرادية وهي تعمل طوال الوقت حتى واحنا نايمين وان الانسان استحاله ( وحطوا تحتها مية خط ) استحالة يقتل نفسة عن طريق حبسة لنفسه !!

سبحان الله !!!!

يعني الي عندها ولد ولا بنت عنيدين ويبكون بعصبية حتى ينكتموا ويطيحوا ماعليك منهم بترجع رئتيهم غصب عنهم تشتغل وبيرجعون يحيون حتى لو كانت عيونهم مقلبة وشفايفهم زرقا ووجههم كحلي بنفسجي

بنات انا بعد هالمعلومة تغيرت حياتي وماعاد اخاف من صياهم ابدا وتقول الدكتورة طنشيهم


اسال الله ان ما كتبته يداي يحتسب عنده سبحانه علمٌ ينتفعُ به

الي تستفيد مني تدعي لي لو بظهر الغيب تراني في امس الحاجه








اضافه :

انا فقط ذكرت حالة الغشوة بسبب العناد او الصراخ او العصبيه

مو معناته لما احد اطفالك يسقط او ياكل لعبة تطنشينه لا بسم الله عليهم هنا الحالة خطرة تكون

انتبهوا الله يحفظ لكم صغاركم