الله يرزقكم

الله يرزقها ويوسع عليها

أول شي المحل اللي تبغى تستأجر منه تشوف كيف وضعه يجوله زباين كثير وبموقع ممتاز وللا موقعه منعزل ماعنده زباين
ثاني شي تحاول تشارك وحده ثانية في الرف عشان يخف مبلغ الإستئجار وممكن تكلم صاحب المحل انها تستأجر اسبوعين فقط ماهو شهر كامل
بعضهم يوافقو
وتتأكد انها فعلاً تتقن الصنف اللي راح تعرضه ويكون مميز بالشكل والطعم
وتحاول انه تعرض شي ماهو مكرر بالمحل وبسعر معقول

والتسويق مهم جداً تنشر بين الجيران انه المنتج هذا في المحل الفلاني اللي يحاب يشتري
والاستخارة قبل كل شي
وفي النهاية التجارة ربح وخسارة والأرزاق ببيد الله


وبرأيي لاتستدين عشان ماهي ضامنة الربح الأفضل تأجل الفكرة وتجمع فلوسها وبعدها تبدأ

الشغله ذي تحتاج اصرار وتعب حتى تلاقي نتيجه..
مارح تلاقي نتيجه من اول شهر..


اعرف وحده تسوي بوفيهات منزليه في منطقتي لها اكثر من سنتين تشتغل على مشروعها انستقرام وسناب..


والان ماشالله تبارك الله شغلها ماشي ممتاز ومكاسبها ممتازه..


والاهم يكون عندها نفس طيب في الاكل واتقان الناس معد تشتري اي شي..


انا افضل لها انها تبحث عن معلمات او مكتب توجيه وتتفق معاهم تعطيهم عينه من حلاها واكلها كبدايه وبعدها تتعاقد معهم تطبخ لهم فطور بالشهر..


كذا يكون مكسبها مضمون بإذن الله، وتجرب في كذا مدرسه تروح وتسأل وتعطي عينات من اكلها مع كرت لها ورقمها..


اما مسألة الرفوف مااعتقد بصراحه انها راح تلاقي المكسب المطلوب..


ومثل ماقلتلك المكسب والنجاح مايجي بشهر يحتاج اجتهاد وعمل فتره طويله حتى تنشهر وتلاقي وتصير الشغله تجيب همها..


حاليا بما انه لسا ع المدارس الافضل تبيع عند الحدايق حتى لو قهوه وحلى،
كوب القهوه عند الحدايق بخمس ريال تضبط قهوتها ومع حلى وتروح والله يرزقها ويفتح عليها افضل من الرفوف..


وفي النهايه اهمم شي يكون عمدها نفس حلو بالاكل اما لو ماعندها الافضل تحفظ فلوسها ولاتضيعها وتدور شي ثاني مثل الشغل بالمحلات رواتبهم جيده من اربعه لخمس الاف..


الله يوسع عليها ويرزقها ويفتح عليها يارب 🌿❤️

أختي شاركت وخسرت للأسف مع إن طبخها لذيذ جدا ماكان فيه إقبال على المحل وبعد كذا صارت تشتغل من بيتها وفتحت حساب ع الانستقرام وع السناب وتعرض منتجاتها ..
نصيحتي لها تشتغل من بيتها وتدور واحدة من المشهورات تعلن لها ،، بعضهم يعلنون مجانا للأسر المنتجة ..