بخصوص السدر للشعر

مو معقوله 11 مشاهده ولا رد واحد

بنات حرام عليكم منجد اللي تعرف طريقه غسل الشعر بالسدر بدل الشامبو لا تبخل علي محتاجتها ضروري
ومستحييييل 40 مشاهده ولا وحده تعرف أو قد استخدمته
وما تدرون الواحد لما يدعي لاخواه المسلم في ظهر الغيب تكون بإذن الله مستجابة
ولا ع الأقل اعطوني اسم منتدي يقدر يفيدني
وعذرا اذا ع أسلوبه مالي إلا الله ثم انتوا 😂😂😂😂😂😂✌

لاإله الاالله
تخلطين السدر مع الماء وتخلينه خفيف وتحطينه
على الشعر ويكون مبلول وتفركين الشعر بايديك الثنتين وتخلينه شوي وبعدين تغسلينه وتمشطينه وهو تحت الماء
أو تعجنينه وتحطينه على الشعر مثل الحناء ساعه وتغسلينه هذا الي أعرفه ياقلبي

وعليكم السلام

صارت معي وسألت حريم وقالوا يطيح الشعر ولكن فيه ناس ناسبهم، ممكن يكون السبب إن اللي جربناه فيه شوك شوفي هذا:

قال ابن كثير عن قتادة: كنا نحث عن " السدر المخضود " أنه الموقر الذي لا شوك فيه، فإن سدر الدنيا كثير الشوك قليل الثمر.

إذا ما تعرفين أحد عنده هالمواصفات تشترينه منه فوقفيه، سمعت إن ثمار السدر المجففه Z.jujuba تستعمل كشامبو بعد أيام زمان ما يجفف الشعر ولا يخليه يتشابك ولا يطيحه بس انقرض مع اﻷوّلين و قليل اللي يعرفون إنه للشعر بزمنا، وقرأت إنهم يستخرجون منه زيت اسمه الجوجوبا وسووا دراسه على فئران ولاحظوا إنها حفزت نمو شعرهم، جربته هالفترة 4 مرات بس ما اقدر احكم عليه بصبر وأشوف

شوفي السدر او اي شي تحطينه ع الشعر فترة وتقطعينه يسبب تساقط لازم تستمرين عليه اقل شي مره بالأسبوع او مرتين بالشهر
والسدر جربته رووووووووعة للشعر بس تركته ورجع شعري زي ماهو
وطريقته أشتريه من العطار ورق واطحنه ناعم وقبل ماتروش بساعة او ساعتين انقعه
ملعقة ع كوب ماء حااااار
وإذا تروشت وخلصت وغسلت شعري اشطفه بماء السدر اللي نقعته وانشف شعري
يعني اخر شي ع شعري السدر مااغسله بماء بعد السدر وسلامتك


اللهم صَل على محمد وعلى أل محمد كما صليت على ابراهيم وعلى أل ابراهيم إنك حميد مجيد
وبارك على محمد وعلى أل محمد كما بَارَكْت على إبراهيم وعلى أل إبراهيم إنك حميد مجيد