بخصوص السونار وجنس الجنين ضروري

السلام عليكم
اللي عندها خبره تريحني الله يجزاها خير ..
أنا حامل بالشهر التاسع وفي بداية الشهر الثالث قالت لي الطبيبة عندك بنت بنسبة 90 بالميه
المهم بالشهر الرابع قالت لا عندك ولد ومتأكده 100 بالميه وأكدت لي أنه ولد بالخامس والسادس والسابع ولما جيتها بالثامن قالت شكلها بنت عاد أنا تفاجأت قلت انتي قبل تقولي ولد قالت لحظة أتأكد المهم قعدت تحوس شوي قالت ولد واضح ... بالشهر التاسع رحت متسشفى حكومي عاد الطبيب خبير بالسونار وعمره ما أخطأ بتحديد الجنس قلت له أنا ابي أتأكدت لأن الطبيبة حيرتني .. المهم قعد يحوس شوي قال والله انا مو شايف شي يدل ع أنه ولد لأن مو راضي يتحرك الجنين وحاول الطبيب يحركه بس بدون فايده المهم قال أنا ما اقدر اعطيك كلمتي لأني ما شفت شي بس اميل إلى إنه بنت ع كلام طبيبتك لأن بصراحه مو شايف شي يدل ع أنه ولد ...

الحين أنا ابي ارائكم وتوقعاتكم لأن جهزت كل شي ولادي وأشياء فخمه وبصراحه مره قلقه ...
انتوا شرايكم ؟ وإذا فيه حد مر عليه نفس الوضع !!!!!