بخصوص العمره الله يجزاها الجنه الي ترد

السلام عليكم ورحمة الله وبركاته

تقبل الله منا ومنكم صالح الاعمال

مو صعب اني احط عنوان يجذب الكل للدخول او اني استحلفكم بالله ان تدخلون

لا كن لاني مااحب هالاسلوب ماحبيت اني استخدمه مع غيري

من باب احب لاخيك ماتحب لنفسك

اخواتي حبيباتي موضوعي بسيط جدا وما يحتاج هالمقدمه تكفون اقروا كلامي للاخر

لكن حبيت اسأل الناس الي راحو للعمره في الايام السابقة هل كانت الزحام فعلا غير معقوله لدرجة انه حصل حالات اغماء لأني ابي اروح انا وزوجي واولادي صغار 7سنوات و 4 سنوات باتركهم في الشقه واروح اعتمر انا وابوهم بس الوالد الله يخليه لي يقول ان كل الي راحو قالو ان الزحام شي غير طبيعي وان الاجانب قامو يدوسون بالمسلمين وان جارهم وولده جايين ورابطين على رجولهم من اثار الدعس وان الجار هذا قال اني تمنيت اني خسرت مثل الي خسرته عشر مرات واني مارحت من كثر ماتبهذل وتعب وهم رجال فما بالك انا حرمه
وما ادري احنا حجزنا الخميس والجمعه الجايه الي هي 17 و18 رمضان حبيت اخذ عمره واصلي التراويح بالحرم خاصه اني الحمد لله ماني حامل ولا شي وعندي القدره على العمره برمضان السنه هذي ومايدري الانسان هل بيعيش للعام القادم ولا لا فالي راحت وقدرت تاخذ عمره تفيدني وتطمني لاني والله خايفه كثير والي مقلقني بعد ان ابوي نصحني بعدم الروحه هو وامي وانا مصره لان زوجي مصر على العمره حتى لو مارحت فهل اقعد عند اهلي انا وعيالي واخليه يروح هو ولا اتوكل على الله واروح للعمره وربي محتاره بالمره
وخايفه كثير وابي حد يطمني ويشجعني
والله لايحرمكم الاجر