بخصوص الغسالة الاتوماتك حيرة مابعدها حيرة ... افصلو في الموضوع بليييز

صباح الخير وصباح النشاط والهمة

حبيباتي بدخل على طول في صلب الموضوع

انا كانت غسالتي عادية سانيو كبيرة تقريبا 10 كيلو لها عندي 12 سنة بس الفترة الاخيرة صارت تنفض كهربا والنشاف حقها خرب وتخر موية جبنا كهربائي قال تكلفة تصليحها غالية محتاجة موتور جديد ونصحنا اننا مانصلها خلاص .. رحت وشريت غسالة صغيرة عادية 5 ك ماركة الكتا ب430 ريال تمشية حال بس الين اقرر اي نوع من الغسالات الاتوماتك اشتري زوجي عطاني مهلة شهر وانا محتارة بين LG وبين ميتاج وجنرال الكتريك ابغى غسالة تتحمل وتعيش وبنفس الوقت تنظف زين وافضلها بدون مجفف حراري يعني غسيل وتنشيف عادي والمجفف اشتريه لحاله منفصل .. فإيش ترشحو من غسالة عن تجربتكم او تجربة اقاربكم ومعارفكم ... اعرف انه فيه مواضيع كثيرة انفتحت بخصوص هذا الموضوع بس كلها محيرة وفي مواضيع قديمة قبل سنتين وثلاث واربع وكانو الاخوات اللي ردو في المواضيع هذي توهم شاريين غسالاتهم يعني من فرحتهم بس كتبو انها زينة وتلاقيها بعد كم سنة تجربة تكتشف انها مو ذاك الزود وتنظيفها مش تمام وما الى ذلك من الاسباب اللي تزيدك حيرة واللي تقول خسارة فيها الفلوس ...


انا موضوعي هذا موجه فقط للاخوات اللي عندهم الغسالة لثلاث سنوات او اكثر مهما كان نوعها وموديلها يعني لاتجي وحدة توها مالها غير 4 شهور شاريتها وبتكتب تجربتها مع فائق حبي واحترامي لها بس عادة الاجهزة بعد السنة الاولى تبدأ تطلع فضايحها عشان كذا طالبة ذوات الخبرة ... اذكري لي النقاط التالية :
1- الشركة ورقم الموديل والحجم
2- نوع التعبئة امامية او من اعلى ( واذا كانت من اعلى هل هي بعامود او بدون وشكل العامود حلزوني او عمود قصير)
3- تنظيفها للملابس واعتنائها بالملابس << يعني فيه غسالات يقولو انها تحبب وتقطع الازارير
4-فيها خاصية نقع وخاصية غسيل يدوي او لا
5-ضمانها كم سنة وهل قطع الغيار متوفرة في السعودية
6-هل فيها تسخين ذاتي للماء او لازم توصيل ماء بارد وماء حار لها
7-كم لها سنة عندك ؟ وهل حصل انها خربت عليك؟
8- السعر
9- توفر ماء وكهرباء او تسرف<<< يعني تكبكب كل شوي الموية او ممكن تدور اكثر من دورة في الغسلة الواحدة


رجاءا جاوبو على الاسئلة كلها حتى وان كانت كثيرة عشان تنطفي حيرتي واذا فيه اسئلة ممكن تسأل اضيفوها الموضوع موضعكم حياكم :27:

واتمنى منكم يامشرفات ماتحذفو الموضوع انا ناوية اعمله كإستبيان وبعدين افرز واشوف الاغلبية لمين من الشركات لاني انا محتاااااااااااااااارة بين ( ال جي وجنرال الكتريك وميتاج ) بس ممكن تكتب اي وحدة عندها غسالة اتوماتك عشان يكون شامل .. ولو اني طمعانة بالتثبيت :35::35: بس خلينا نشوف تفاعل الاخوات .. همتكم ياحريم واسأل الله لكل وحدة ردت على موضوعي انه يفتح لها ابواب الخير في الدنيا وابواب الجنة في الاخرة