بخصوص اللي يقولون مو كل شيء الزواج..نقاش وفضفضة

السلام عليكم ورحمة الله وركاته..,

كل عام وأنتم بخير والله يكتب لنا الأجر في هالشهر الفضيل ويرزق كل وحده ماتتمناه ويفرج همومنا جميعا..قولوا آآآآآآمييين:)


أنا ألاحظ لاجت وحده تشتكي هنا في المنتدى وضعها أو تأخرها في الزواج أو قالت بكلم خطابة قلتو ا لها الزواج مو كل شي!!

أبي أعرف وشو هو اللي كل شي عندكم :confused-

بتكلم عن وضعي مثلا وأبي وحده تعطيني حلول : أنا متخرجه من الجامعة وكحال الجميع ماحصلت وظيفة ربي يرزقنا أجمعين منها أسلي نفسي وأصرف على نفسي وأسوي شي مفيد منها أجر بإذن الله ومنها أأكد وجودي في الحياة مو عايشة كذا بلا هدف :ohplease:

ودورات تدريبيه أو نوادي مااقدر حاليا لعدم وجود مواصلات:(

نجي لأقاربنا مانشوفهم الا مرة لمدة ثلاث ساعات اواحيانا ولا مره في الاسبوع وكل البنات اللي بعمري اما تزوجوا او مشغولين بوظايفهم ماشاءالله تبارك الله الله يوفقهم ويسعدهم أكثر وأكثرررررر:heart:

و البيت اللي عايشة في أغلب وقتي للأسف علاقتنا رسميييية لأبعد الحدود حتى مع أمي :( فمابالكم مع أبوي اللي العلاقة شبه منقطعه :( هذا غير المشاكل اللي تحصل كل فترة توصل لصراخ وهواش وممكن أمي تطلع من البيت..مايحتاج أقولكم كيف النفسية تكون والحمدلله على كل حال يارب بدل حالنا للاحسن يااااااااااارب

أما صديقاتي فماشاء الله تبارك الله الله يوفقهم يارب منهم اللي توظف والجميع تزوج ماشاء الله ماعدا انا ووحده الله يبارك لهم ومنهم االلي صار عندها أطفال الله يصلحهم لها ويرزقني ويرزقكم ياااارب عاااجلا..مابينا تواصل الا الواتس آب طبعا الزيارات شبة ممنوعه وصعبه


يعني أنوم وأقوم وحالي واحد والحمدلله على كل حال الله لايغير علي بشر لااااااكن أنا زهقققققققت ودااايم أجلس بغرفتي واصيح تعببببببببببببتتتتتتتت والله احيانا تجيني أفكااار سوداويه واتعوذ من ابليس بصراحه الفراغ والقعده في البيت بلا هدف أنا والأثاث واااحد يجيب الامراااض النفسيه الله يبعدنا عنهااا.. هذا غير الفراغ العاطفي :( وأنا مااابي الحرااام تكفوون أدعولي ربي يبعدني عنه تعرفون النفس ضعيفة والشهوات والفراغ والملل وكل هذا صااير ضدي يااارب أرحم ضعفي ... مصدري الوحيد الان لتغيير الجو شوي هو السوق اطلع واتمنى اشتري اشياء كثيرة بس اقول وين بلبسها وحنا مانطلع دايم ولا يجينا أحدوأصرف على نفسي الآن من حافز والمعروف أن حافز كلها سنه فقط !! يعني بعد الله أنا مااعرف وش بسوي عقب هالسنه اارب ترزقني الزوج الصالح اللي يعوضني عن كل مابحياتي مر عاااجلا غير آآجل ..,



علموني اللحين و للي مثلي الزواج مهم لهم ؟؟؟!!!! أو عندكم حل ثاني !!



يااااارب وفقني وسخر لي عبادك الطيبين وارزقني من حيث لاأحتسب وفرج همي ,,, ولكل من قآآآل آآآآميييين:26: