كلام جميل ياليت بعض الامهات والاخوات يفهمون صراحه

الحمدلله ماحصل لي هالموقف انا بس يتكلمون ويرمون كلام ومعد يطرون الموضوع ويسوون كنهم ماقد قالوه
وانقهررررررررر، فما بالك باللي يتفرجون فيها ويروحون ولا يردون ..،
الله يسعدك كلامك رائع والله ينفع به الناس اللي يسوون هالحركات ..،

هذه سلوكيات مجتمع كامل وماتقدرين تغيرين من عاداتهم وتقاليدهم خصوصا ان الزواج عندنا يشبه مسابقة اكشط واربح ، تروحين تخطبين البنت لا تدرين عن طباعها ولا عن دينها وماغير ام فلان مدحتهم

بصراحه وش الغرض من الاتصال وتطيب خاطر مهي حلوه انها ام الرجال تدق والله بنتكم مااعجبتنا لانها كذا وكذا
مرت علي وحده خطبتني قبل لا اتزوج وبعدكذا رجعت اتصلت مره ثانيه وقالت ماصار نصيب
لاننا لاحظنا ان بنتكم عصبيه ، وماشاء الله على اي اساس عرفت اني عصبيه ؟
واي تطيب خاطر يصير من المكالمه بالعكس انها لو ماتصلت وراحت من سكات كنت احترمتها اكثر

البنت لازم تكون فطنه يعني مر اسبوع واهل الرجال مارجعوا ولا اتصلوا عليهم معناها افهميها انه مالك نصيب واسألي الله العوض
ذا الحين الخطبه صارت كانها مسابقه اهل الرجل يلفون على 10 بيوت ثم يختارون الافضل بين ال10 بنات واوقات يطلعون مايتصلون يرجعون يتصلون الا بعد7 شهور اعرفي انهم راحوا لبيوت ناس ثانين ورفضوا ولدهم ورجعوا لك

فالمسألة اشبه بمسابقه ملكات الجمال ها ماصابت مع البنت الاولي نروح للبنت الثانيه
انا افضل اني اشوف البنت بطبيعتها وماتدرى اني بخطبها واذا درست حالتها من جميع النواحي رحت وخطبتها اما مسأله الدوران هذه انا ضدها تماما

صحيح تصرفاتهم تقهر بس في كل الاحوال النتيجة واحدة هي الرفض سواء جائت بأسلوب لبق وبأدب او بأسلوب فظ وتجريح بالبنت ومثل ما في هالعينة من الناس الي تنظر للمرأة على انها سعلة في غيرهم يعتبروا المرأة جوهرة وأفضل شي للبنت الي اهل العريس ما يردون عليها او يجرحون بعد الشوفة انها تحمد ربها ان الله ما اراد لها الا الزين وهالاخلاق التعبانة لهم الله كشفها لك قبل الارتباط رسمي

صح ولله
المشكله ذلحين اغلبهم صاروا يطلعون ولا ترجعين تسمعين منهم شي
شايفين انفسهم يعني ان احنا جايين نخطب
ماالت
><