بخصوص الواتس

اخواتي عندي استفسار
انا تجيني ازعاجات من صديقه لي بالواتس كانت تدق وتراسل كثير واذا مارديت على رسالته او تأخرت شوي دقت مره ومرتين وثلاث وارد عليها تقولي بكل برود ليش بالواتس اسألك كيف الحال ماتردين يعني تدق وترسل وتزعج وكله على تفاهات
تحملتها 3 سنوات الحد ماوصلت معي مره دقت علي4 الصباح على الجوال وتدق وتدق وتدق وارد مفزوعه وش فيها البنت داقه ذا الوقت وتفاجئ تقولي طفشانه وابي اسولف 
من بعد ذا الموقف وصلت معاي ماتحملت ازعاجها وفضاوتها رغم اني كثير حذرتها تخفف وتسمع كلامي يومين وترد الأزعجها
مالكم بالطويله اضطريت اخبركم عشان ماحد يلومني ليش سويتلها بلوك
عطيتها بلوك طلعلتلي من رقم امها وقالت ليش انتي مبلكتني وعلى طول بلكتها من رقم امها طلعتلي من جوال اختها وقالت ليش سويتيلي بلوك وعلى طول ابلك جوال اختها وتدق من جوال ابوها هنا انا وصلت معاي خير وش تبي هذي 
واجي اكلم اخوي يكلمها من الجوال ويقولها هذا الرقم شريته جديد شكلك غلطانه يا اختي 
استغربت وقالت هذا مو رقم فلانه قال لا هذا الرقم شريته جديد ومن هنا اختفت البنت وماسمعناعنها شي
والحمدالله افتكيت منها 
السؤال الاهم تقريبا كل جوالات اهلها سويتلهم بلوك
وهي اكيد حافظه رقمي ومامشت عليها انه الرقم انباع لانه تدق على صديقاتي تسألهم ويصرفونها وكمان تدق كل فتره ارقام غريبه على جوالي واذا رديت اسمع صوتها تقول الوو وعلى طول اقفل او اعطي الجوال زوجي يصرف 
الحين يابنات انحرمت من الواتس احط صور خاصه مثل اطفالي كله خوف انها تدري وترجع تنشبلي من جديد انا مابي اتهاوش معها او اجرحها ودي اختفي بدون اي جرح 
السؤال صور الواتس تطلع في جوالها وانا مسويتلها بلوك ؟؟؟
وكيف تتعاملون مع ازعاجات الواتس من بعض الاشخاص 
والله بعض الناس تكرهك بالواتس