بخصوص الي حاطه صورة بنتها / يمنع التعقيب على الموضوعات

مساء الخير الرساله موجه للي حطت صورة بنتها وتسأل عن راينا واكل وحده مو مقتنعه بعيالها  بقول رايي في موضوع لوحده عشان اتمنى الكل يقراه احمدي ربك في غيرك يتمنى الضنى حتى لو كان شين ترى الشكل مو أهم شي اهم شي الصحه والعافيه وروحي صلي ركعتين واستغفري الله رزقك ببنت معافاه سليمه ما فيها مرض عضوي او عقلي وبقول لك شي والله العظيم ان جاني ولد ما يختلف على جماله اثنين ما شاء الله   شعر ناعم وكثيف وابيض وعيون واسعه وعدساته بني فاتح ولون شعره بني فاتح وجسمه حلو وطويل وما كنت شايفه النعمه عشان ما كنت أحب الأطفال وما حمدت ربي تكلم على تسع شهور اخواتي يقولون حصنيه واطنش وصار سالفة مجتمعنا جماله ومع ذلك ما اهتميت لا أحصنه ولا عمري حمدت الله وعلى سنه ونص معد نطق ولا كلمه وشخصوه الدكاتره ضعف سمع ومستشفى ثاني يقولون سليم ومستشفى توحد ودكتور فرط حركه ودكتور تأخر طبيعي والله اني تمنيت انه قبيح وشديد القبح ويتكلم ويكون سليم والله اني تمنيت اني فرحت به وحمدت الله على النعمه الي غيري يتمناها واخيرا الحمدلله على كل حال غيره مريض مرض عضوي ويتعذب اتمنى يكون الموضوع خفيف على الكل