cute moon @cute_moon_1
محررة ذهبية
بخصوص توظيف سعوديآت بالدواجن ..
السلام عليكم
لاحظت كثيرات بالمنتدى عابو على ذي الوظايف...
بس خلينآ نكون ناس واقعيين ونفكر بالامر من كل النواحي ..
1- شفت بعيوني مقطع اجنبي .... هناك بالغرب.. تعرفو كيف يموتو الدواجن ؟؟
.. يملو الغرفه بالدواجن ويجي واحد ينطنط فوقها فتموت ..
ايش رأيكم ؟؟
تحبو تأكلو دجاج ميت بذي الطريقه ؟؟
الحمدلله انو دجاجنا حلال لكـــن
لو عرفتي انو الدجاج الي حتأكليه حيكون من وحده من بنت بلدك .. مخلصه .. نظيفه .. فدآ حيحسسك بـ الأطمئنان ..
بالله ماحتطمنو ؟
وهي كمان لو ابتغت الأاجر انو يارب انا انظف هالدجاج واعمل شغلي لوجهك الكريم ولحتى يأكل المسلمين شئ نظيف وبأمانه .. حيكون لها اجر بكل دجاجه!
كلنا عارفين انو لحم ماكدونالدز بطال ويرمو البقرة بكبرها بالفرامه مع كده نروح لهم ... وبنأكل بمطاعمهم !!!..
نأكل بمطاعم نعرف انها تدمر صحتنا وطريقة ذبحها مخالف لديننا .. ! وجينا نتهجم على وظايف تصب في مصلحة صحتنا!!!!!!!!!!
شيئ عجيب ...
صدقوني حبيباتي .. المشكلة مو بذات الوظيفه .. المشكلة بنظرتنا لها .. وأضربلكم مثال انو عامل النظافه عندنا الهندي بنسمية زبال! ... باليابان ايش يسموه ؟؟ مهندس نظافه! ينادوه يامهندس..
مع انو وظيفتهم وحده لكن نظرتهم هناك لعامل النظافه .. مختلفه عن نظرتنا هنا لهم !
نظرتهم هناك انو هذا الشخص الي حيحافظ على نظافه بلدي..
الخلل فينا احنا مو بالوظيفه ..
خلونا نحاول بس نغير نظرتنآ لهآ وحتشوفو كيف نرتاح بحياتنا كلنآ
اتمنى وصلت فكرتي ورايي :")
43
4K
يلزم عليك تسجيل الدخول أولًا لكتابة تعليق.
بنت من بنات ادم
•
جزاك الله خير
صح صادقه الي ماتبغى الوضيفه لاتقعد تسب في غيرها محتاجه للوضيفه
انا بالنسبه لي ماراح اقبل مو انتقاص للوضيفه بس لاني مو محتاجه لو محتاجه راح اروح بدون تردد
انا بالنسبه لي ماراح اقبل مو انتقاص للوضيفه بس لاني مو محتاجه لو محتاجه راح اروح بدون تردد
الصفحة الأخيرة