بخصوص دلكة التحدي :(

السلام عليكم بنات
الموضوع بختصار :
من كثر ما سمعت على دلكه التحدي والكل يمدحها وتحمست :) وقلت بجربها بجربها


ويوم اني نويت


وجهزت وخلطت المكونات






وجا وقت السكر




السكر اللي كان موجود سكر ناعم مو بودره بس ناعم مثل الملح تقريبا




حطيت السكر وبدات ا ذوبه على نار هاديه
كان يلصق ببعضه وما يذوب عدل حسيت أن فيه شي غلط او اني نسيت شي وما سويته




المهم اني يوم كنت احركه طار شوي على أيدي اليسار ولصق بالجلد انا حركت أيدي سريع على اساس يطيح مثل اي شي حار يطيح على اليد بس نسيت انه سكر
السكر لصق بأيدي وبرد وكأني يوم جيت اشيله من أيدي بأيدي الثانيه انحرقت من الجنب
بذاك الوقت طرت على الحنفيه (طبعا ذا كله صار بثواني لدرجه ما عرفت يدي اليمنى بأيش حرقتها )
فتحت الماء البارد وحطيت أيدي عليه الطبقه العليا من الجلد راحت مع السكر
للتوضيح ( الجلد يتكون من طبقتين : البشره , والادمه ( كأن اسمها كان كذا ما عاد أتذكر من ايام العلوم هههههههه )
المهم أن البشره راحت بقا اللي تحتها ابيض والمسامات مبينه بس ما توجعت مره (طبعا هذه كانت منطقه صغيره ولله الحمد من الكف تحت السبابه جنب الإبهام ) وكان فيه كم نقطه صغيره فوق الحرق وكانوا منتفخين وفبهم مي
اما اليد البمين انحرقت من الجنب وكانت منتفخه وفبها مي بس كمان المنطقه كانت صغيره ولله الحمد
ووقت الحادث أنا خفت لتتشوه يدي اللي كنت دوم اهتم فبها وبجمالها
سبحان الله كل شي ممكن يروح بدقائق والأشياء اللي تهتم فيها وتخاف عليها ممكن تروح بلمحه عين فياليت خواتي محد تغتر بنفسها و لجمالها لأنه يمكن يروح لأي طريقه
أسأل الله السلامه لي ولكم
الحين مر على الموضوع يمكن أسبوع ورحت المستشفى ونظفولي الحروق وطلعت من الدرجه الثانيه
والأهل يوم يسألوني كيف حرقتي اقول لهم كنت اذوب سكر عشان اعمل كرميل
أتخيل اقول كنت اسوي دلكه التحدي هههههههههه
اصير مسخره العائله واتفشل
المهم الغلط مش من الدلكه الغلط مني انا وحبيت انبهكم من السكر لما تذوبوه لانه خطييييبر وانا مجربه
وستر الله علي ما جت بوجهي
بالنسبه للدلكه ما بتجرأ اسويها ابد
واتمنى تدعولي بالشفاء العاجل
وأفكر لما الجرح يطيب احط زيت البيض لانه زين لآثار الحروق بشتريه من الصيدليه أن شاء الله
واسفه على القرقره والتفاصيل واعذروني على الفلسفه