بخصوص سؤال.. ايش اسوي لبنتي في ذكرى ميلادها

السلام عليكم
ارجوا ان تصلك رسالتى و انت فى اتم حال انت و الأموره الصغيره و عمر مديد لها ان شاء الله
أختى معليش موضوعك الأول ما كان واضح ايش غرضك منه لأنك انت قلتى انك ودك تسوين حفله و هوشه بس مو مقتنعه .... و ان امك متوقعه انك تسوين حفله .... علشان كده كل مين دخل فهم انك تبين افكار عيد ميلاد و هذا طبعا بدعه و محرمه و لذلك اغلق الموضوع لسبب عدم انتشار بدعه...

و هذا نص موضوعك

ذكرى ميلاد بنتي الوحيدة قرب "سنة" .. بس محتااارة .. هل اسوي حفلة وهوووشة .. "لا أنا ولا ريلي مقتنعين لأن البنت مابتفهم شو الموضوع ولا بتذكرة .. وامي تتوقع منا ان نسويلها يوله وحفلة ودنيا" ..
شو تقترحون علي .. هذي بنتي الأولى وحبيبة الكل .. نفس الوقت مابي شي اوفر .. ولا ابي اخسر وايد ..
سااااااااااااااااااااااااعدووو ني

على كل حال انت وضحتي رغبتك و انا بأقولك افكارى ....

بما ان رمضان على قدوم انا اشوف انك تخصصى مبلغ معين لهذا الشئ و تكتبى فى ورقه مقاضى رمضانيه رئيسيه مثل (الرز, الزيت, الدقيق, معكرونه, ....) يعنى اشياء مهمه للمائده ... و تشوفين اسعارها و تشترينها حسب الميزانيه و تحطين كل مجموعه فى صندوق و توزعينها على الفقراء قبل رمضان و تساعدينهم بيها فى رمضان و اطلبى منهم يدعون لبنتك بالصلاح و الهدايه....

الفكره الثانيه ....
بنفس المبلغ ممكن تسوين موائد رمضانيه للمحتاجين و تكسبين افطار صائم و الدعاء لبنتك....

وفقك الله الى ما فيه الخير و الهدايه للأموره و الصلاح

^^^
^^^
ياقلبي عليك والله انتي الاموورة
فكرتك عجبتني
والله ربي ان شاء الله يطرح لهاا البركة في بنتهااا

الله يبارك فيكم .. ويجزيكم خير الجزاااااااء .. أنا االلي زعلني ان في ناس يكتبون عندي عيدميلاد لزوجي ومليووون فكرة توصلها والعذر ان المرة لازم تستغل اي مناسبة تقرب نفسها من زوجها .. وانا يعني مو من حقي اتقرب من بنتي .. بس االي قلتوه احسن من مليون فكرة ,, والشي الثاني ,, ان سمعت مرة ان الرسول عليه السلام انولد في يوم الاثين لها السبب هو كان يصوم كل أثنين ..

واشكركم مرة ثاااانية يالغاليااات وربي مايحرمني منكم

الحمد لله اختى ما صار إلا الخير ...
فى فكره ثانيه .... المبلغ اللى خصصتيه ... تشترين به مصاحف و تسوين Stamp اللى يطبع على الورق و تكتبين فيه ... الرجاء لمن يقرأ فى هذا المصحف الدعاء لفلانه بالهدايه ... و توزعينه فى المساجد وقف ... او حتى اذا بغيتى على اقاربكم او معارفكم و شوفى كم دعوه و كم شخص بيقرأ فى المصحف ....
ايش رايك

واااايد حلوة الفكرة .. عجيييبة .. الصراحة انتو صدق اخوات خير ربي يديم هالنعمة علينا