بخصوص ساندويتش فيله السمك

حبيباتي انا اليوم سويت ساندوينتش سمك
حطيت في طاحونة براون ( فيليه السمك + ثوم + زبادي تقريبا ثلاث او اربع ملاعق + قرنين فلفل حار وخرت الحبوب + شطه شوي + نص بصلة + صلصة صويا حالية + ملح + بهارات )
وبعدين كورتهم ودخلتهم الفرن من فوق وتحت بالعافية

كنت ناويه احط زنجبيل شوي عشان يقضي على ريحة السمك في البيت + فلفل بارد بس ماعندي + ليمون بس ماعندي ونويت احمس البصل والثوم اول بس كنت مستعجلة

بس المشكلة انه طلع حلو بس صار لين اذا عرمتي السمك صاير لين مره كنه فيه مويه وش تتوقعون البلا فيه

وياليت تخبروني عن طريقتكم في صنع فيله السمك بالفرن وجزيتم خيرا :)

لاتفشلوني اول مره ارسل في هالقسم تراي ( عليميه في الطبخ ) رفله