بخصوص كماتدين تدان وزوجة الولد

السلام عليكم اخواتي
الحقيقة لفت نظري جدا عبارة يستخدمها كثيرات منكن في غير موضعها وهي( كما تدين تدان)

مثال تجي وحدة تشتكي مر الشكوى من ام زوجها وتقول عملت وقالت وسوت ووالله مايشعر بالمصيبة والالم الا الي فيها
تجد البعض يقولون عامليها زين واكثر ويحذروها كما تدين تدان طيب البنية مسالمة وتحاول بالطيب ولا زالت تحاول والموقف واضح والتسلط واضح.......وبعضكن تقول عديها امك لوامك بتسوي كذا؟
هل الام والوالدين عموما والي جاء عقوقهم بعد الشرك بالله ككبيرة من الكبائر وفضلهم على الانسان كام الزوج الي فضلها على ولدها ومالها على زوجة ولدها الاالمعاملة بالاحسان والمعروف وكما قال رسول الله (: (ما أكرم شاب شيخًا لسنه، إلا قيض الله له من يكرمه عند سنه) ....حتى الاسلام مااوجب خدمة والدا الزوج على الزوجة
الوالدين الي قطيعتهم عقوق ....وفي فتاوى ان ام الزوج واهله ليسوا من الرحم وان قطعهم ليس قطيعة للرحم يعني عند الاستحالة ولدهم يزورهم واحفادهم رغم كراهة القطيعة بين المسلمين وخيركم من يبدأ بالسلام الرحم صلة من طريق الوالدين فقط

يعني ان كانت زوجة الابن والله الشاهد عليها ماغلطت ولارفعت صوتها يوم ماتتخابث وتسوي مكايد متواضعة وتوزن الكلمة قبل لاتخرج من حلجها تجامل بس هادية نوعا ما وماتعرف تتكلم وتغتاب غيرها لينبسط الي يبي ينبسط على هالسوالف .....او تتملق وتمدح كل دقيقة يعني يوم اي ويوم لا مثلا
او مالها ذنب بالغيرة الشديدة من بعض النساء الله يهديهن لو تشوف زوجة ولدها طيبة وراعية اصول كرهتها وتقعد تعقد المقارنات بينها وبين بناتها ليش انا بنتي كذا وهي كذا .....واعرف وحده بناتها بعز بس بعد تقول هم بناتي يستاهلون بنات فلان اما زوجة ولدي (رغم زوجة ولدها اصلا بنت عز)ما تستاهل هي من بيت جوع؟!!
وقاعدة تترصد لها عالوحدة وتسوي لها مكايد الله يهديها ......بل وصلت انها تشتري مثلها وتلبس وهي في الستين
غيرة وحقد....
أسألكم بالله هل لديكم ما يثبت من الكتاب والسنة ان المرء رجلا او امرأة يرفع عنه القلم عندما يبلغ الستين من عمره؟ الم تسمعوا باهمية الدعاء لله بان يحسن الخاتمة؟

الله الذي حرم الظلم على نفسه يجزي امرأة صابرة او حتى قطعت اهل زوجها لايذائهم الشديد لها الذي يصل لزرع كره زوجها لها او الطلاق بكثرة الكلام والمشاكل الي تستحيل معها الحياة ...الا بالضغط والسكر وربما الزوجة تكون ضعيفة وتسقط وتضيع ويضيع اولادها الي محتاجين امهم مو زوجة اب ممكن ما تخاف الله فيهم.....بيكون تعويض معاناتها وصبرها وانها عمرها ماغلطت لا بالقول ولا بالفعل على ام زوجها يجيها بعد ما تكبر زوجة ولد تعاملها شين وكان هذي مثل هذي يعني مثل زوجة ولد شريرة بطبعها؟؟......يعني ام زوجها بتتعسها وهي شابة وبتتسبب في تعاستها بطريق غير مباشر وهي عجوز اذا كان لها عمر!!!!!
أين النوايا في الموضوع الله يحاسبنا على نياتنا بعد
اذا وصلت الاذية الى الاهانة البالغة والصراخ والسب والشتم لعائلة الزوجة ومباشرة ....اريد اعرف كيف الزوجة تعدها امها ؟؟؟.....
بتقولون تعبت واهدتك ولدها وانعمت عليك طيب ربي اللي انعم عليها هي بالولد اولا وكان قادر يحرمها الانجاب او تكون خلفتها اناثا فقط هل لاعطاها الولد تفتري على بنت في عمر بنتها او تنتظر من البنت هذي تدفع فاتورة شقاءها مع ابنها اوعذابها في تربيته......متى نفهم ان ولادنا امانة منحة من الله وليس املاك او عقارات صنعناها

ياام الولد بعضكن من تسكن زوجة ولدها معها او جمبها وبعد تقول خذته مني.....وهي اهلها ربوها وعلموها واعطوها واحد تخدمه هو واهله وماشافوا خيرها وما ينقال اخذوها مننا
لماذا لان الرجل المتفضل بالخير ولاانكر فضله كثر الله خيره انه فكر بالزواج اصلا حتى لو البنت بعد تشتغل وتصرف عاديييييي
أقول اتقوا الله والي عندها أم زوج طيبة تحطها فوق راسها لانها نعمة يغبطك عليها كثيراااات
والى ام الزوج المتسلطة عودي الى ربك,, الصغير الحين يخاف الحساب مابالك بالسن الناضجة الي المفروض تكبح وتقاوم غيرتها وهواشها لوجه الله لاجل الجنة والنجاة من نار اكثر داخليها نساء اعاذنا الله
ويكفي تفرقة وأحسنوا الظن بالله


من امراة مظلومة بس ربي ينصرني ويجزيني خير
انا من انخطبت اقول لها ياماما وبعد خمس سنين عذاب تقول لي انا موامك انا ام فلان وفلانة وفلانة وفلانة وبسسسسسس.....انا مظلومة من ام زوج تحسب انه ام الزوج حقها الشرعي تتسلط وتظلم على كيف كيفها لانها في مكانة عالية تكفل لها كذا والذكية الي تبي تعيش وزوجها مايطلقها واجبها تتحمل المذلة والاهانات كل يوم والاتهامات المتجبرة....وان هذا اصل الزواج من الاصل
انا اعاني من ام زوجي اللي تكرهني لنجاحي وليس لاهمالي رغم ادبي وتواضعي الشديد معها لدرجة الغيت شخصيتي وحقوقي لخاطرها
عانيت ولازلت اعاني غيرة عمياء مقيتة الله يصبرني وبعد ما كنت شخصية انسى بسهولة واسامح مع كثرة الاذى ماعاد فيني الا اسى وماانسى لها لان معظم ايامي واوقات فرحي عشتها بنكد وهم مالي فيه حيلة
بس الله عزني يابنات بشكل ابكي معه حمدا وشكواى له وحده ولا وحدة تغثني بكلام مافيه خير