بخصوص لمكائن التطريز لاهل الخبره الله يوفقكم

بالصورة مو باين نوع المكينة ولا رقم الموديل ,إذا تعرفيه يا ريت تكتبيه ,علشان نقدر نساعدك .كمان السعر ممكن يختلف من مدينة للثانية ,إنتي من فين؟
هل تقصدي بغرزة الحشو (غرزة الستان)يعني الزجزاج الضيق جدا ؟إذا كدة فالمكينة باين إنها تسويه وبأعراض مختلفة.

السنابل


باين عليكي شاطره بالمكاين ماشاء الله عليكي
بكم سعر مكينه تكون جيده لوحده مبتدئه؟

تقريباً يعني ؟؟

بخاطري اشتري بس مادري ايش بيقولون الأهل فحابه أسأل عشان ما انصدم

السنابل الله يوفقك يارب

هذي صورة لماركتها ان شاء الله عرفتيها وابي سعرها لوبالتقريب







جعله الله بميزان حسناتك


وقصدي بالحشو يعني مثلا بغيت اسوي حروف او رد اوي حاجه تكون محشيه


وعندي مشكلة تجميع الخيوط تحت الملابس ايش حلها

حبيبتي مستحية..أنا قصدي لو تعرفي الماركة ورقم الموديل ممكن تتصلي على محل بيع المكاين اللي في مدينتك وتسأليه عن السعر بالتلفون ,لكن أنا بصراحة ما عندي خبرة في أسعار المكاين ,ممكن يفيدك أكثر في هذا المجال أخت هنا في المنتدى إسمها (نجم الصبح) أرسليلها على الخاص وإن شاء الله تقدر تفيدك,لأنه من إجاباتها على البنات شكلها عندها خبرة في هذا المجال والله أعلم..
وبالنسبة للحشو مثلا شكل وردة ومعبأ كله بالخيط فأي مكينة(تعمل زجزاج) ممكن تسويه إذا كنت تعرفي لتقنية التطريز الحر بالمكينة ,يعني تشيلي الدواس وتنزلي أسنان المكينة أو تغطيها حسب المتوفر,ويكون القماش مقوى بفازلين ومشدود في طارة ومرسوم عليه الشكل اللي تبغي تعبيه وإنت ييدويا تحركي الطارة تحت الإبرة لتعبئة الرسمة <----------طبعا الشغلة يبغالها تدريب وممارسة.

وبالنسبة للأخت(هداوي والقلب راوي) قبل ما أجاوبك حبيت أوضح إني مالي خبرة في المكاين يعني حدي مكينتي ياسمين اللي أستخدمها (عندي مكينة تطريز كمبيوتر من سنجر لكن لظروف ما أستخدمتها كثر ما أستخدم ياسمين ), ياسمين في حدود 400 ريال ممكن أقل وممكن أكثر شوي وفيها شوية تطريز حلوة جدا وتناسبك (أنا أشتريتها أول ما نويت على الخياطة )وهي معايا تقريبا 6سنين وإلى الآن أشتغل عليها والحمد لله ما خربت عليا <--------------بس للأمانة أنا ما كنت أخيط كثير يعني ممكن بالشهور ما تتمسك المكينة .

ارجوا الرد ممن عندها خبره الله يجزاكم الجنه