هلا أخت شروق الحب :

سوري ما أنتبهت لسؤالج بس ولا يهمج الحين أجاوبه : أذا قصدج عن المناطق الحساسه أنا كاتبه عن غسول و أهو راح يوخر الحراره بعد إزالة الشعر و إذا سؤالج : هل تسبب الحلاوه ترهل بالمنطقه الحساسه ؟ فهذا كلام لا أساس له من الصحه و أنا قلت لكم فركوا المنطقه عالخفيف بثلج عصير الخيار بعد أزالة الشعر و أنشالله أكون أفدتكم

الشعرانيه (الشعر في غير مكانه )

أنا لاحظت أن وايد بنات يبون خلطات لأزالة الشعر بشكل نهائي و أنا عندي كتاب لدكتوره أجنبيه فيه خلطات طبيعيه و على حسب المكتوب فهي مجربه و مضمونه :

*يزال الشعر بالحلاوه ثم يسحق قرن فول أخضر و يدلك به المكان يوميا لمدة أسبوع

*بعد إزالة الشعر يطلى الجسم بصابون زيت الزيتون و يرش عليه ملح خشن منعم و يدلك به المكان من أسفل الى أعلى ربع ساعه ( مع التكرار يخف الشعر حتى يختفي )

**لأزالة الشعر بالحلاوه بسهوله و ضمان خروج الشعر بسرعه يخلط مقدار حبة الحمص من الشمع الأبيض مع الحلاوه

و أنا عندي فكره في وصفه فيها صمغ شجرة العنب + زيت زيتون لأزالة الشعر ( أحنا خل ينبت عندنا عنب علشان ناخذ صمغه ) يعني أن زيت الزيتون ما ينبت الشعر جا أنا أول وحده أقلب غوريلا
و بما أن في خوات كتبوا عن السعد و السيكران فأنا بسوي شئ ( ناخذ مطحون السيكران + سعد مطحون + ورس + زيت زيتون ) نغلي السيكران و السعد بلتر ماء مع 3 ملاعق من كل واحد منهم و بعدين نصفي الماي و نحطه مع كمية ضعفه زيت لين يتبخر الماء بعدين نحطهم بقرشه فيها ورس و نخليه يوم كامل بعدين نشيل بالحلاوه و نتدهن بالزيت يوميا ( فوائد هالشغلات بتكون بالزيت و يصير مفعوله 3 في واحد نعومه من الزيت و بياض من الورس و منع نبات الشعر من السيكران و السعد ) شفتوا أني فلته و مافي خوف لأنها كلها أشياء طبيعيه و الا أنا غلطانه و ماكو وحده تقول طريقتها غير لأن المطلوب من طريقتها توصيل مفعولها للجسم و بما أن مفعولها خلاص بالزيت و الزيت بيتغلغل بالجسم يعني خلاص أخذنا اللي نبيه

:26: :26: :26:

هلا حبيبتي كويتيه فراوله
مشكوره على موضوعك الي حلو مثلك ياقمر
ممكن سوال حياتي
اريد اعرف طريقة الحلاوة (الشيره ) الصحيحه بالمقادير
لاني تعبت كل ماسويها تخرب
وشكرا ياحلى كويتيه
:24: :24: :26: :26:

مشكورة ياعمري ,,,, تسلم الأيادي:26: :26: :26:



بسمة