طريقه لضمان خروج الصابون المغربي من الجسم :

في بنات وايد يسوون حمام مغربي بالبيت و أحسن طريقه لضمان خروج الصابون ( بعطيكم طريقة الحمام كامله ) :

أول شي تشغلين الماي الحار بالحمام و تنطرين يصير في بخار و تقعدين عشر دقايق علشان تتفتح المسامات ( و لا تغسلون بماي حار كل مره تسوون فيها حمام مغربي الا في حالة الأستعجال لأنها تسبب ترهل عالمدى البعيد )

ثانيا حطي الصابون المغربي ( حطي معاه سفيداب أذا تبين بياض مؤقت حق الحفلات ) و فركيه على جسمج براحة أيدج و خليه عشر دقايق و غسليه بعدين مسحي جسمج بليمونه و حطي ملح مع شوي زيت زيتون و فركي فيه جسمج ( مو تتهاوشين مع نفسج علبن بتطلعين الصابون )

ثالثا فركي شوي و خليه دقيقه بعدين فركيه بالليفه المغربيه بحركات دائريه من أسفل لأعلى و بس جذي ما تحاتين أي شئ يكون داخل مسامات جسمج
***********************************************

نصيحه :

بنوتاتنا الحلوات ( حتى المتزوجات لا تمدون البوز )
نصيحه : أحذري ثم أحذري ثم أحذري لا تستخدمي أي خلطات كريمات و البلوه الكبرىىىىىىىىىىىىى لا تستخدمي خلطات في ماده جافه مخلوطه مع مواد أخرى حتى لو كانت طبيعيه ألف بالمئه كالنشا و بودرة الأطفال أنا أؤيد أن النشا مفيد جدا لحب الشباب و الصفاء و التبييض لكن مع الاستمرار على هذي الخلطات راح تتكتل هذي المواد داخل جسمج و ما تقدرين تطلعينها الا بحمام مغربي و فرك خشن و اذا ظهرت نتيجه فأعلمي أنها م}قته لأن البياض الذي ترينه هو لون النشا أو البودره و سوف يتغير لونه مع مرور الزمن و سيسبب حساسيه سألي مجربه أنا كنت أستخدم خلطه ما أذكرها فيها نشا أول شئ طلعت بيضه بعدين صرت جلحه مع العلم أني أتسبح كل يوم بس النشا داخل المسامات و متكدس و أنا تفريكي خارجي كل أهلي قالولي ليش شكل جسمك وصخ يلوع الجبد و شبت علي الحساسيه و غزوني أبر و أنا ماني عارفه من شنو الحساسيه و لما سويت حمام مغربي اللي قاعد تفركني أطلعت عيونها تقولي أنتي شحاطه ( فشله سددت المجاري خخخخخخخخخخخ ) أنا أشكر كل الخوات اللي حاطين خلطاتهم و أرجو أن يعذروني صاحبات الخلطات اللي فيها مواد جذي بس حبيت أفيد خواتي من خلال تجربتي
**************************************************************
سنفره رهيبه للجسم ( تبيض و تنعم و تنظف و تنفع للوجه )

ملح + قليل من زيت الزيتون + قليل من عصير العنب ( تعالوا شوفوا النتيجه بتقولون أشلون كنا عايشين من قبل )

و لتطهير الوجه و الجسم مسح الوجه و الجسم بخل التفاح المخفف بالماء ربع ساعه و يشطف بماء ( أستخدميه عند الغسله الأخيره بالحمام )

و أرجو أن الموضوع عجبكم

****************************************************************************************************

أولا: أحب أشكرك يا أحلى كويتيه فراوله بعنف( هههههههههه...متوحشه أنا بشكري) على كل المعلومات الثمينه
:26:
بالنسبه حقcanestine
فهذا فعلا ممتاااااااااااااااز حق الإلتهبات وأنا جربته قبل كذا
بس حبيت أسألك من فين نقدر نحصل على الصابون المغربي........بنات السعوديه تعرفون من وين في الشرقيه؟؟وأيش أحسن ليفه حق الحمام المغربي وللحمام العادي عموما؟؟؟؟
وحبيت أسألك عن عصير العنب من وين ؟؟؟ من اللي في السوبرماركت في علب؟؟؟والا طبيعي؟؟
وايش هو سفيداب ومن وين أقدر أجيبه؟؟؟؟
أفيدينا أفادك الله

موضوع رائع يعطيك العافيه
معلومات مفيده ومن واقع تجربه
يعطيك العافيه

اسمحيلى حبيبتى فى الله كويتية فراولة بالاجابة بدل عنك للحلوة الى سألت عن الشيرة :27:

فى ليبيا اسمها الحلوة :26:



انى اندير فيها : : cook:
2:1 يعنى 1كوب ماء مع 2كوب سكر توضع عالنار ولمى تغلى حطى نصف ليمونة وشوية زيت زيتون

وخليها عالنار واول مايبدا لونها يتغير (بنى ) اطفى عليها وخليها تبرد شوية ونحى منها وخدميها بشوية ميه

:24: :24: :24:

وانشاء ننستروا معاكم :33:

الصابون المغربي موجود بكل الجمعيات و موجود عند الحواي و الليفه المغربيه أحسن ليفه موجوده عند الحواي مستطيله خشنه تنلبس باليد و للحمام العادي أنصحك بالليفه اللي تجي مع الشور جل ( رغوة الحمام ) المدوره اللي يحطونها بالدعايات و عصير العنب الطبيعي و السيفيداب هو الصابون الأيراني الأبيض موجود عند الحواي و أرجو أني أفدتك يا هبة نجد و مشكوره عالمرور الدائم

و شكر جزيل لك يا ياسمينه عالمرور المشرف