مساء لخير
الموضوع ومافيه انه قبل اشهر حدثة مشكله في بيت جيراننا الله يبعد عن المسلمين كل مكروه والبيوت اسرار وحنا ماكنا نبي نعرف عن التفاصيل لانه زي ماقلت للبيوت اسرار المهم قبل امس رحت لم المشغل مع خالتي كانت زايرتنا وقلت لها تروحين معي للمشغل قالت اوكيه ورحنا وياليتني ما اخذتها لانه لما دخلنا استقبلتنا صاحبة المشغل وقالت ان العاملات الان يشتغلون في وحده تعالو اجلسو تقهوو عبال ما يجي دوركم المهم تقابلت ها الحرمه مع خالتي قالت انا مغسلة موتى وسئلت خالتي قالت تعرفون الفلان تقصد جيراننا قالت خالتي انا ما اعرفهم قلت انا جيراننا وش فيهم وبدئت الحرمه بسرد تفاصيل الاحداث الي حصلت في بيت جيراننا على خالتي وخالتي ما صدقت تلقى شي تعجن فيه لانها تحب اسرار الناس وبدئو هي وخالتي حش وعجن في جيراننا وانا اطالع الحرمه نفسي اقولها خلاص اسكتي اسكتي استري على الناس انا ما ابي لا خالتي ولا غيرها يدري عن السالفه الله يستر على المسلمين يعني ها الحرمه نشرت غسيل ها الاجاويد وخالتي ما صدقت خبر خير بخور السوق تخيلو طولنا في المشغل وهن ما غيرن ها السالفه ورجعنا لم البيت وخالتي بس تتكلم عن ها الموضوع وودها لو تقابل اي احد عشان تحكيله ها السالفه ولو حصلها كان طلعت في اخبار الجزيره ونشرت الخبر وانا يابنات بس اغلي غلي مليان قلبي على هاالحرمه السخيفه المشكله انها مغسلت موتى وتساهم في اعمال الخير يعني كل وقت تقف على حال الموت تشوف نموذج من الدار الاخره اذا ليش تفضح ها الاجاويد الله لايفضحنا يعني خبر ها الجيران بينتشر وبمساعدة خالتي انا ودي اكلم ها الحرمه وافش حرتي فيها واقولها ماله داعي تسوين كذا اتقي الله المفروض تخيطين فمك وتسترين على المسلمين يعني ودي اخليها تنطم هي وخالتي
ظلع @thlaa
محررة برونزية
يلزم عليك تسجيل الدخول أولًا لكتابة تعليق.
raadds
•
ينسوون :
انقهرت بصراحه واللي يقهر زياده سكوتك بصراحه موضوعك صار مامنه فايده اذا فات الفوت ماراح ينفع الصوت يابنات اتقو الله خليكم جرئات اقل شي استغفرو وكبرو وهللو قدامهم لعل وعسى يسكتون عن المسلمين الحين خالتك بتدا تنشر الكلام وتبهرهاانقهرت بصراحه واللي يقهر زياده سكوتك بصراحه موضوعك صار مامنه فايده اذا فات الفوت ماراح ينفع...
كلامها صح
مفروض تكلمتي اول مافتحو السالفه ...هالحين مافيه الا انك تكلمين مغسلة الاموات وتعلمينها انو مايجوز تتكلم على الناس وتفشي الاسرار وايضا كلمي خالتك انو هذولا جيرانكم وعيب تتكلمون فيهم
جيبي رقم مغسلة الموتى اللي هي
تغسل فيها وقولي عندكم مغسله اسمها كذا
تتطلع اسرار الموتى اتقوا الله
انشري غسيلها
تغسل فيها وقولي عندكم مغسله اسمها كذا
تتطلع اسرار الموتى اتقوا الله
انشري غسيلها
الصفحة الأخيرة
واللي يقهر زياده سكوتك
بصراحه موضوعك صار مامنه فايده اذا فات الفوت ماراح ينفع الصوت
يابنات اتقو الله خليكم جرئات اقل شي استغفرو وكبرو وهللو قدامهم لعل وعسى يسكتون عن المسلمين
الحين خالتك بتدا تنشر الكلام وتبهرها