في موضوعي هذا حبيت اتكلم عن البخور
لان بصراحه شفت ناس تجهل البخور بشكل مو طبيعي وماخذين فكره غلط عنه
مثااااااال
في ناس ماتميز البخور عندها عادي شنو تستخدم
يعني بمعنى اوضح,,,
البخور في منه انواع
يعني بخور خاص للبيت وبخور للضيوف للاستقبال
وبخور للمناسبات
ابي منكم كل وحده تدخل تقول شنو بخورها للبيت اليومي
وشنو بخورها للمناسبات والاعراس والطلعات مثل الزوارات لاتقولون التعطر والخروج حرام ادري انا اقصد اذا طلعتي لبيت يعني من بيت لي بيت والسايق من محارمك...
لاحظت ان في ناس تستخدم بخور غالي للبيت وللمناسبات يستخدمون اي شي
:27:
انا استخدم للبيت انواع من البخور مثل :
بخور زينب الصراحه حلوووو ونفس ريحته بخور القرشي
وبخور المسني غني عن التعريف
وبخور الروقي
حطيت صوره له في احد مواضيعي
وبخور معجون العربيه للعود المطور
للمناسبات استخدم
معجون الشيوخ من العربيه للعود
معمول القرشي هو معمول بس ريحته ثااابته حيل ومع العطور تطلع رهيبه استخدمه للمناسبات لانه ثابت
ومن جنيد بس للاسف مو عارفه اسمه :44:
المهم اللي تدخل تقول لنا شنو بخورها
مو كالعاده تطنيش :35:
ملاحظه
انا ما احب العود الكمبودي وهالسوالف احب اكثر شي المعمول والمبثوث
وبخوري الشخصي معمول رصاصي وعود مبخر من اجمل