السلام عليكم ورحمة الله وبركاته
حياكن الله خواتي ...ومبروك نجاح فلذات اكبادنا والله يبلغنا فيهم ويحميهم من كل ذي شر
هذي الإجازه طلت علينا ....والإجازه وماأدراك مالإجازه ....... سهر ابناءنا
فيها وعدم تنظيم نومهم وضياع الإجازه بين سهر الليل ونوم النهار
وبدانا في شكاوي الأمهات من الأبناء والبنات ...
الي تقول عندي اغراض ناقصتنى مادري مين بيصحى ويقظيها
والي تقول عندي مشوار ومافي مين يصحى من العيال يودينى تقال اموات مانامو الإ الضحى
وتضيع الصلوات في الإجازه مايلحقون الإ وقت صلاة العشاء والفجر عساهم يصلوه في اول وقته
والله ماتفرقين سهر البنات والأولاد في هذا الزمن
يقولوا الأمهات نصحى الضحى نلاقي كل واحد بحضنه لاب تبه او بلاك بيري يطقطق فيه وعلى قول المثل مخلين الدرعه ترعى ولا حد داري عن ماحوله
كل ماسبق مافيه جديد .......الجديد سهر الأطفال الصغار من 5 او 6 سنوات ومافي مين يلاحضهم وينتبه عليهم
السهر يتعبهم ويهلك صحتهم ..وياليت بس كذا اليوم صحينا الفجر على موت ولد قريبه لي عمره 6سنوات سهران مع اخوانه يلعب وغفلو عنه وهو يلعب بشريط لف الهدايا ...ربطه على رقبته واختنق
رحمة الله عليه توه هذا الأسبوع سجل اولى ابتدائي بمدرسة تحفيظ وفي اخر جمعتنا يبشر العيال الي بعمره يقولهم انا السنه هذي معكم بلمدرسه
طلع اخوه لصلاة الفجر لقاه مربوط ولسانه طالع بره وعيونه جاحظه مره بس مومصدق نفسه ركض فيه للمستشفى
قالو خالص من زمان
الله يصبر امه وبوه واهله والله لانه القعده كان الكل متعلق فيه
والله يربط عل قلب ابوه كان مثل ضله يأخذه معه لكل مكان
طبعا قبل كل شي بدون القاء اللوم على الأم او الأخوان الي كانوا سهرانين معه هذا قدر الله وقضاه ليس لنا الآ التسليم والرضا
ثم اوصي ثم اوصي ثم اوصي ...خواتى الحرص على ابناءهم ومراقبتهم وملاحضتهم في الإجازه الكباروالصغار
لا تقولين سهرانين ماعليهم الإ العافيه ....يلعبون وياكلون واخوانهم عندهم والله اتصلت المغرب بعزي الأم وسمعت صوت صراخ وعويل يفجع قلت هذي الأم قالو ايه ماتقدري تكلميها
الله يربط على قلبها ويثبتها
الله يكفينا وياكم ساعة الغفله ....هذا مادعاني اليوم لكتابة الموضوع لعل ننتبه من غفلتنا
قصة الطفل ابلغ من اي كلام
اسأل الله لكم دوام النعمه والصحه علينا وعليكم وعلى جميع المسلمين والمسلمات
واجازه سعيده ان شاء الله
يلزم عليك تسجيل الدخول أولًا لكتابة تعليق.
الله يجزاك بالجنه كلامك بالصمييييييييم
بس والله ماعاد ينقدر عليهم عيال هالوقت لا الصغير ولا الكبير
بس والله ماعاد ينقدر عليهم عيال هالوقت لا الصغير ولا الكبير
الصفحة الأخيرة
قولي الحمدلله الي عفانا مما بتلاهم به وفضلنا عاى كثير مما خلق تفضيلا
هذا الدعاء يقال عند رؤيته مبتلى ..فلا يصيبك البلاء ابدا بإذن الله