بدأت العطلة وبدآ سهر الاولاد عندي فكرة صغيرة بخصوص الاكل

السلام عليكم

(الرجاء من المشرفات عدم دمج الموضوع مع مواضيع مشابهة

حتى يتسنى لمن يهمه الامر قراءته)

اذا استطعتي عزيزتي الام ان تجبري اطفالك على النوم مبكرا

فهذا انجاز عظيم وقد جربت بنفسي هذا الشئ على اطفالي

عندما كانوا في سن صغيرة وكنت ارى الفرحة والنشاط والانس

في وجوههم عندما اوقظهم في الصباح الباكر ولكن ليس للمدرسة

بل للعب والمرح ويلعبون ويمرحون طيلة النهار (مستانسين مافيه

دراسة ولاضيقة صدر) واول الليل تعشوا وناموا من كثر اللعب بانواعه0

(طبعا هذا قبل الحين معصي كبروا وفقدت السيطرة ههههه)

بوقتنا الحالي صراحة صعب على الام تنوم عيالها مبكر خاصة مع

انتشار المولات واماكن الترفيه وطبعا مع جونا الرهيب لازم الطلعة

تكون بالليل0

الزبدة من هالهذرة انك لازم تهتمين بطعام اطفالك اذا كانوا بينامون

طول النهار وسهر طول الليل وصعب تحرقين اعصابك وانتي تلاحقينهم

عشان ياكلون واحيانا تكون الام امراة عاملة وصعب تسهر معاهم

وتتابعهم0

الفكرة حطي طاولة بالصالة او الغرفة اللي بيقعدون فيها واذا كان

البيت من دورين يفضل فوق بنفس دور النوم ليش؟ عشان تقفلين

الانارة بالدور الارضي وماتعطينهم مجال يروحون المطبخ ويحوسون

والاهم يتعرضون للخطر لاقدر الله شوفي اولادك ايش يفضلون

من اكل انواع الساندويشات المفضلة وبقايا الغداء سخنيه وحطيه

بحافظه خاصة اذا كان مكرونه او محاشي وقطعي خضار السلطة

شرايح او قطع كبيره وحطيه بصحن بشكل مغري وكذلك الفاكهة

وانواع العصاير المفضلة عندهم مع الماء طبعا ويفضل استخدام

صحون الميلامين او البلاستيك والاكواب الورقية عشان مايتاذون

وبنفس الوقت اريح لك بالتنظيف0

وصدقيني لما تقعدين الصبح تلاقينهم مشطبين عليه وبتستانسين

ويرتاح ضميرك من سالفة عيالي نوم وسهر وبدون اكل والوجبات

السريعة حاولي تخففي منها قدر الامكان0

ارجو ان يكون هذا الموضوع فيه منفعة للجميع وللعلم مو شرط

الام فقط اللي تقوم بهالمهمة ممكن الاخت الكبرى - العمة- الخالة

ايا كان المهم هالاطفال مانخليهم بين هالوجبات السريعة اللي لاخيرها

ولاكفاية شرها0