بدأ حملة تطويل الشعر

تم بعون الله بدأ حملة تطويل الشعر:19:

الرجاء الالتزام بالتعليمات بالحرف ( مب منتدى كأنا في جيش):42:

أولا: خلطة الزيوت والتي سنستخدمها كل يومين مره وهي:
زيت خروع-زيت براشوت-زيت اللوز-زيت دابر املا- زيت زيتون(بكميه قليله)- وبنطحن حلبه ونضعها (ممكن استبدالها بمحلب او الاستغناء عنها)-زيت سمسم -زيت جوز الهند

ثانيا:الحين خلطه بنسويها مره في الاسبوع لمدة ساعتين او حتى ينشف وهي:
جرجير+شوي ماي...توضع في الخلاط بعدين تحطينه في المشخله(ما اعرف شو تسمونها بس عشان يطلع الماي فقط) بعدين تحطون نوع واحد من الزيوت الي تناسب شعركم وبكمية قليله+قليل من الزبادي تخلطونه وتحطونه على الشعر..من الممكن الاستغنا عن كمية الزيت في هذي الخلطة

ثالثا: حمام زيت النوع الي متعود عليه شعركم اما فاشكول( ديرو بالكم الاصلي) او كاروتس( الي هو مال الجزر وانا استعمله وصراحه وايد مرتاحه منه.... وتحطونه مرة في الاسبوع يوم تغسلون خلطة الجرجير...

رابعا: الشامبو...اذا تريدون شي يشيل الزيت من الشعر فهو صانصلك الي يالليمون للشعر الدهني( انا مجربتنه) واذا تبون بعده استخدموا شامبو ريحته حلوه(وفي الاخير اختيار اشامبو لكم)... لما تحطون الشامبو في ايدكم خففوه بشوية ماي وبعدين حطوه على الشعر...وااايد نصحوني بهالطريقه...

خامساواخيرا: حبوب فيتامين من اي نوع تستخدمين حبه في اليوم... او حبوب زيت السمك... الي ماتريد تمتن تستخدم فيتامين لا تستخدم زيت السمك.. وهالله هالله بالخضار والفواكه...

الله يوفق الجميع واتمنى توصلون للي تبونه...:27:

وشجعوا نفسكم دايما لان هذا يساعد لاتقولون شعرنا ما يطول اوكيييي...:27:
ولاتقولون ما تغير شي في شعرنا لان بعض الاحيان يكون الشعر محتاج للتغذيه فياخذ حدود شهرين او شعر ونص لين تبين النتايج...

بنتابع النتايج كل اسبوعين ...الرجاء التقيد التام....


اليوم وضع الزيت ليلا حتى الصباح وغسله بدون بلسم او حمام زيت...