من العنوان .. واضح اني زوجي بدأ حياته معي بخيانه من ثالث شهر من الزواج ..!
والمشكله اعرف واسامحه وتهدأ الامور وارجع اكتشف ومشت الايام والسنين وصار لي معاه 6 سنين كذب وخيانه ..!
وانا ساكته واقنع نفسي راح يتغير .. فترة طيش .. راح يمل ويرجع لي .. وانا اللي كاسرني قلبي .. أحبه ..
تحملت عيوبه واغلاطه وسكت .. وداريت وقلت مستحيل يستمر كذا .. وللاسف مازال يخون وبدون سبب مقنع يخليه يخون .. مو ناقصه شي احنا بنات هالايام فاهمات وواعيات ونعرف كل شي ونعرف كيف نكسب ازواجنا .. بس المشكله في اللي له طبع مايخليه ..!
وبلحظه قررت اطلع جوال واختبره .. وادور ع الشي اللي يدوره عند غيري ومو ملاقيه عندي .. وكانت هالحظه اسوء لحظه بحياتي .. اولا لاني اكتشتفت انه يلعب ويتسلى ولاهمه غير اشياء تافهه وبالنسبه لي اعتبرها ضعافة نفس وقلة ايمان
ثانيا .. ان زوجي عرف بالجوال اللي انا طلعته .. وبلحظة غضب وقهر قلت له على كل شي .. وللاسف صرت بنظره خاينه .. وصار يشك فيني .. وانقلبت حياتنا جحيم .. وكل مره اطلب الطلاق يتغير حالنا ونتصالح ونرجع
ومن اتفه سبب يشك فيني انا تعبت على كثر ماداريت وتحملت وانقهرت الا رجعت بنظره خاينه .. وانا والله الذي لا اله الاهو فاطر السموات والارض ماعمري خنته حتى بنظره يشهد الله اني ماخنته وهو عالم بهالشي .
انا مقهوره ع نفسي لاني ماحطيت حد لخيانته لي من اول مره وسامحته كثير وخليته يتمادى عليه ويستهين فيني .
وانا اليوم ببيت اهلي بسبب رقم غريب دق ع جوالي وهو اللي رد بالعاده انا ماارد ع ارقام غريبه اعطيه هو اللي يرد وهذا طبيعي من قبل لا اتزوج اي رقم غريب ابوي واخواني هم اللي يردون لاني مااحب اخلي لاحد عليه طريق .
واللي صار اليوم مايعطيه الحق يشك فيني ويقول اني انسانه مو ماشيه صح .. وانا تحملت كثير وقلت له خلاص بروح لاهلي .. وحلف ان طلعت من البيت مارجع له انا بنظره مالي شخصيه وضعيفه ومايعتبرني شي لاني دايم ساكته واسامح .. وانا ياخوات تعبت نفسيا تعبت لانوم لاراحه نفسيه لاهدوء بس متحسره ومقهوره وساكته واليوم انهارت اعصابي وطلعت وتركته ومع ضغوط الاختبارات ماتحملت .. وارسل لي رساله يقول انتهينا خلاص ويدعي عليه ان كان انا السبب في الي بيننا اللي يضيق عليه حياتي ولايهنيني .
المشكله بيننا بنت .. وكاسره خاطري تحب ابوها ومتعلقه فيه وانا ويلي منها وويلي من هالحياه اللي لعبت فيني ومارتحت فيها .. حسبي الله ونعم الوكيل .
بنات اذكروني بدعوه بظهر الغيب يفرج همي وينور بصيرتي
بوح المواجع" @boh_almoagaaquot
عضوة جديدة
يلزم عليك تسجيل الدخول أولًا لكتابة تعليق.
سلطه خس
•
الله يفرج همك
الله يفرج مصيبتك
اكثري استغفار وقومي الليل وادعي من قلب
ربي رحيم فينا وربي يسر للجميع والدنيا هذي ماحد فيها مرتاح
اكثري استغفار وقومي الليل وادعي من قلب
ربي رحيم فينا وربي يسر للجميع والدنيا هذي ماحد فيها مرتاح
الصفحة الأخيرة