بدات الفكره تدخل مزاجي ادعوا لي الله يستخير لي الخيره المباركه وعطوني رايكم

السلام عليكم ورحمه الله وبركاته
يامشرفات تكفون لاتنقلون موضوعي
كيف حالكم ياحوائيات

اللهم اجعل لكل من ترد على موضوعي او تدعو لي ان يجعل

الله لها من كل هم فرجا
ومن كل ضيق مخرجا ومن كل بلاء عافيه

امـــــــــــــــين
بدخل بالموضوع على طوووووووووول
انا عمري23 متزوجه لي اربع سنوات وعندي بنت وولد انا احب زوجي وهو يموت علي واهلي الحمد لله

ناس متفهمين جدا ووضعهم الاجتماعي زين بالحيل يعني ماعليهم من ناحيه الامور الماديه

وزوجي وضعه المادي تعبان بالحيل بس مو اهم شي عندي لان اهلي مايقصرون علي ولا عليه

مشكلتي مع زوجي انه مايحب الاستقرار ابد مايبي

نستقر حاولت معه بشتى الوسائل عجزت تخيلو اقعد ببيتي شهر وعند اهلي ثلاث شهور تعبت

معه يابنات بالحييييييل اذا رحت لبيتي اقول خلاص اببدا معه من جديد راح ابذل قصارى جهدي


اني اعوده علي وعلى عياله ابدا اتفنن معاه واسوي له اغراءات واحاول اجدد بالبيت حتى مايحس

بالروتين ويمل اول اسبوعين ينبسط وكل شي اوك بعدها يقلب علي يقول لي مالك شغل فيني ويحاول

يطفشني من البيت ويقول لي ابطلع على كيفي وابنام وين مابي ويبدا يتهرب من البيت ومشكلتي الاساسيه

انه كثير ينام برا البيت ولا ادري وين يعني مره يقول لي ابوي تعبان ابروح انام عنده اخاف

يتعب بالليل ومايلاقي احد يوديه للمستشفى واكتشف من بعدها انه صدق نام عند ابوه بس ماكان تعبان

ولا هم يحزنزن ومره يقول لي خويي متعطل ابروح اساعده ويقعد طول الليل برا ومره ترقد ابوه

بالمستشفى تخيلو ثلاث شهور قاعد معه وجادعني عند اهلي ولا سال عن عياله ولا يرسل لي مصروف

مع ان ابوه مو تعبان بالحيل يعني يتحرك ويطلع من المستشفى يتمشى وبعدين يرجع يعني مو مايقدر يتحرك

لا حالته بسيطه جدا وطيب وغير كذا اخوانه ماشاء الله خمسه وفيه مو متزوجين ولا عندهم مسؤليات

يعني هو بمزاجه يبي يقعد حتى المستشفى قالو مايلززم مرافق بس هو يبغى

والمشكله يابنات انه مايدق ولا يسال على عياله يعني مجرد ماينزلني عند اهلي يجدع همنا

احيانا احس اننا حمل ثقيل عليه ويبغى يتخلص منه

اذا مادقيت وسالت عنه عمره ماراح يدق والله يابنات مليييييت من هالوضع احس لو اني متزوجه مسيار

ازين لي والمشكله اني بديره واهلي بديره يعني اذا نزلني عند اهلي لو ابي اي شي من بيتي ماقدر اجيبه

تعبت يابنات من المرمطه احس اني بدوامه عيالي مايعرفون شي اسمه استقرار تعبت معه مت من الكلام

ولا حياه لمن تنادي المشكله يابنات اذا قلت له مايصير كذا ياما انك رجل تنتبه لبيتك ولعيالك

ولا تطلقني لاني تعبت من هالعيشه يقول لي الا الطلاق لاعمرك تطرينه انا احبك ولا اتخيل حياتي من

دونك وكم مره يقول لي لو ننفصل وش ابي بالدنيا ووالله ماتزوج وراح انهار ومن هالكلام

ومره رحت لاهلي وعييت ارجع وقلت له ارسل ورقتي والله يابنات انه دخل للمستشفى وطلع

عنده زياده بنبضات القلب قالو المستشفى لازم يقعد تحت الملاحظه24ساعه اذا مانزلت دقات القلب

احتمال يصير عنده جلطه بالقلب او ذبحه صدريه تؤدي الى الوفاه والحمدلله عدت

الحين يابنات صارت بيننا مشكله كبيره ونزلني عند اهلي وقال لي بعد يومين اجي اخذك بس

ابيك ترتاحين نفسيا شوي لان اعصابي كانت حيل تعبانه

نزلني يابنات على انها يومين وراح يجي الحين له اسبوع مادق ولا سال

واهلي اكيد متضايقين من وضعي بس مايحاولون يبينون قدامي يقولون هذي حياتك وانتي حره

ابوي يقول لي اذا تبين الانفصال غصب عليه يطلق واذا انتي عاجبك الوضع هذي حياتك وانتي حره

اهلي ماقصروا معي ابد لاماديا ولا معنويا ولا شي

انا الحين بدات فكرت الانفصال تدخل مزاجي لاني تعبت منه ومن استهتاره يبيني بحياته بس على كيفه

مثل اي شي ثاني من ممتلكاته انا اريح لي اتطلق بس خايفه من نظره المجتمع ومجتمعنا مافيه ولا مطلقه

يعني راح اصير اول وحده تتطلق وخايفه بعد ان عيالي يحطون اللوم علي بعدين والله مادري محتاره

بالحيل والرجل مادق ولا سال

تكفون يابنات ادعوا لي ان الله يستخير لي الخيره المباركه

وعطوني رايكم اصبر عليه وعلى استهتاره ولا اطلب الطلاق

اهلي يقولون لي مستحيل يتعدل اذا تبين ترجعين حطي ببالك انه وضعه ماراح يتغير