لغة العواطف @lgh_alaaoatf
محررة برونزية
بدال مااقول زوجي وامه اقول ....
تعبت
هو في حاله ماعليه ولا عليه منها
بس هي الله يهديها تضيق صدري بالكلام فيه
امي وزوجي وبدال مااقول انا وام زوجي
امي تكرررررررره زوجي كره مو طبيعي ماعمره سوى لها شي ابد حتى مايشوفون بعض ولا شي يعني كافين
وهو مدري وش يحمل لها المهم انه مايبين لي حب ولا كرهه لها
المهم رحت انا وزوجي ثاني العيد للشرقيه يوم واحد بس بحكم دوامه ماقدر يطول
ولان لي فتره ماسافرت وياه من تزوجت وكانت مشاكل شوي وبعدها حملي ورحت عند اهلي ويوم العيد كان مداوم
عشان كذا مشينا ثاني العيد ورجعنا من البكره
الحين امي وخواتي بيرحون لجده وحجزو لي معهم كلمت زوجي قلتله رفض وبقوه قال اول شي مامعكم رجال ثاني شي كرشتك قدامك وتروحين
تونا جايين قلت ماشبعت وابي اروح مع اهلي المهم يمين يسار رفض
قلت لاامي... اه اه مابقى شي ماقالته ماهمني الي تقوله فيه انا تعبت مدري من ارضي امي والا زوجي تعبت بينهم قسم بالله اني صرت اتمنى الموت صار كرهي الله لايعاقبني متنقل مره عليها ومره عليه
تعبوني
قامت تقول انتي عادته رجال هذا مو رجال انتي معطيته اكبر من حجمه مسويه فيها يعني انك تناظرين رضا زوجك هذا مو زي الرجاجيل
انتي وانتي وانتي
هذا بزر وقاعد يتحكم فيك شوفيني يوم جيتي تروحين معه للشرقيه ماعييت وانا لي الحق اني اعيي << حسيت اني رايحه مع خويي مو رجلي
قالت اصلا لو رحتي وش بيدريه عنك انتي لك فتره هنا عندي ولايدري عنك بااي شي
ووووووووووو كلام يوجع ويعور القلب مقدر اقوله والفاظ مو زينه
صحيح زوجي سيئ معي بس مايمنع اني استاذنه في الروحه والجيه وهذا سفر مو روحة سوق
تجيني احيانا يالله قومي بنروح المكان الفلاني وانا عارفه لو قلت له بيعي مثلا اسواق بكثره او مالي عايز فيها يرفض يقول خلاص انا اوديك
شورو علي تعبت قسم بالله امي ماتراني متزوجه ابد تشوفني زي اول حكمي بيدها واذا قلت عيا او لا بيعي قومت الدنيا علي
وتضحك وتتهزى علي ويالله احتسبي الاجر عند الله والله ماينفعك والله لو انه هو سافر ولا عنده فيك ووووو
قسم بالله كرهت نفسي قبل اكرهم ثنينهم
31
3K
يلزم عليك تسجيل الدخول أولًا لكتابة تعليق.
وهج الضوء
•
الله ييسر امرك
طموحه 3
•
ترا امك تحبك ويمكن تبيك معها بالسفره وزوجك خذيه بالمسايسه وفهميه من الاول يمكن امك تزعل لانه اكثر من مره رفض يخليك تروحين معهم وانتي لاعاد تقولين زوجي مايبيني اروح معكم انتي تعذري قولي تعبانه لاني حامل وتوني جايه من الشرقيه
والله يهديكم
طموحه 3
والله يهديكم
طموحه 3
اتعذر اعذار بزارين احيانا مو كل شي احطه فيه والله ان تنهبل
مرات اقول يمه انا ثقلت معد اقدر اروح واجي ومرات اتحجج دايخه مره ومرات رجولي متفخه ووووووووو
لاكن مافي فايده
مرات اقول يمه انا ثقلت معد اقدر اروح واجي ومرات اتحجج دايخه مره ومرات رجولي متفخه ووووووووو
لاكن مافي فايده
الصفحة الأخيرة