ام لمى999

ام لمى999 @am_lm999

عضوة فعالة

بداية نمش في وجهي ....

الاستفسارات الجماليه

السلام عليكم ورحمة الله وبركاته


بنات وجهي كان صافي ومورد ولا فيه ولا نقطه سودا ولا بثور ولا كلف
ومن كم شهر بدت تطلع نقط بنيه تحت عيني اليسرى .....صارن يتزايدن ....كل شي جربته .و نفسيتي تعبت ..خايفه يزيدو ويكثرو
بنات تكفن اللي عندها حل واللي تفرجها علي عسى ربي يفرجها عليها ...
استخدمت اقنعه حلب وليمون وسدر كل شوي مجربه على وجهي شي احاول اروحهن وفشلت ...وحطيت ليمون وملح ولا فاد
وعسل ولا فاد
مع العلم بشرتي دهنيه ....ودايم مزيته عشان كذا طلعت فيها بثور


ودمتن سالمات حبيبات قلبي
6
5K

يلزم عليك تسجيل الدخول أولًا لكتابة تعليق.

تسجيل دخول

ام لمى999
ام لمى999
20 المشاهدات ولا رد واحد
طب دعوه منكن اجبرن فيها خاطري
زائرة فقط
زائرة فقط
وعليكم السلام ورحمة الله وبركاته
أنا زيك كذا انتشرت فجأة بعدين بحثت ولقيت العلّه من الزيوت الرديئة اللي تنحط في الكريمات الطبية وكريمات اﻷساس وخصوصاً كريمات اﻷساس اللي تحتوي على واقي من الشمس هذي أسوأهم ﻷنها تحتوي على واقي كيميائي (ضار) وليس فيزيائي عاد كيف تفرقين بينهم ما اعرف ﻷني سحبت عليهم احس الواقي خرطي، والمستحضرات اللي تحتوي على عطور أو ملوّنات مثلأ يكون الكريم لونه أخضر فاتح او وردي إلخ، كلهم يزيدون النمش ! كنت احط المكياج والكريمات الطبيه (سيتافيل ولانكوم)للأسف يومياً وكلهم يحتوون على زيوت رديئة منها السيليكون Dimethicone ، وأما الحل فما عندي فكره ﻷنه صار عادي عندي تقبلتها، أهم شي احرصي إنها ما تزيد وراقبي منتجاتك سواء طبية أو ماركة ﻷنهم طقه وحده، ولا تحطين ليمون على وجهك انتبهي الحوامض تقرب من وجهك تخلي وجهك حساس وترققه، لا تلعبين بوجهك بالخلطات، ﻷن اختي حطيت لها ليمون وسحبته وبعده حطيت لها حناء مع كركم جسم وشوية زيت سمسم على آثار حبوب ووجها طلع فيه نمش فجأة خلال أسبوعين بس من بعد خلطة الحناء ! كان شكله كأنه نقط حبر مب زي النمش العادي جاي بني وفيه تمويه على اﻷطراف ! ابتلشت معها ! ويوم بحثت لقيت إن الليمون والحوامض بشكل عام يعتبر محسس ضوئي يولّد تصبغات ويرفع خطر الاصابة بسرطان الجلد حتى لو أكلتيه، جيت بكحلها عميتها :( عاد أنا أحب آكل الليمون من وأنا صغيره وجسمي فيه نمش بس زاد بوجهي بعد المكياج ! اقرأي عن المحسسات الضوئية قبل ما تحطين شي على وجهك سواء طبيعي أو كيميائي. قاعده الحين ابحث إذا خلطة الحناء هذي فيه محسسات ضوئية ﻷنها فادتها بآثار الحبوب ما ودي أوقفها بس شاكّه في مكوناتها الله يعين بس هوّنيها وتهون 🌈
almahat
almahat
نصيحتي لك روحي لدكتورة الجلدية احسن لك
ام لمى999
ام لمى999
نصيحتي لك روحي لدكتورة الجلدية احسن لك
نصيحتي لك روحي لدكتورة الجلدية احسن لك
يعني مافيه حل
زائرة فقط
زائرة فقط
إذا كان نمش ناتج عن استخدامك كريمات ترطيب أو تفتيح أو مكياج يحتوي على مصافي ضوئية كيميائية فما راح يفيد معك أي علاج تقشير أو كريمات ﻷنه يكون داخل طبقة اﻷدمة وعلاجه بالليزر فقط والله اعلم ، هذه المحسسات ممكن تتواجد في أي كريم ترطيب أو تفتيح سواء غالي أو رخيص لقيته ببعض الكريمات الرخيصه زي كيلي اسم المادة السيئة فيه (Benzophenone -3)، يلزمك الوقاية راقبي محتويات كريماتك عشان ما تزيد، ونصيحه لا تتعبثين ببشرتك في البيت بالخلطات مثل ما قالت اﻷخت فوق. ﻷنه يعلم الله ما كذبت عليك في خلطة إختي فوق باﻹضافة إني كنت اسوي لها شاهي يانسون بالزنجبيل يومياً بالتزامن مع الخلطة ﻷنه خفف لها الحبوب والطامه إن اليانسون يزيد القابلية للنمش ﻷنه يتفاعل مع الضوء وفيه محسسات ضوئية كثير طبيعية في اﻷكل بس ما بحثت
بالتوفيق