بدا فصل الشتاء بامراضة، شو اسوي بريحة البيت من بناتي

الغاليه دخنى البيت بستمرار بلابان ودوم غسلي بيتك بدتول الابيض وهذا عن تجربه

ماذا تعني كلمة زواع أختي الغالية ؟؟؟؟؟

زواع = ترجيع الأطفال لما بناتها يرجعون وهم مرضى الله يبعد عنهم وعنكم الشر

أول شي أختي ما يشوفون شر بناتج..
ثاني شي هل عندج غرفة خاصه للبنات؟ إذا الجواب نعم حاولي انج تخلين البنات في غرفتهم وقت التبديل وقت اعطاء الدواء .. وأغلب اوقاتهم وهم مرضى .. أولاً عشان لا يلقطون هوا ثاني شي عشان مسألة الزواع والأدوية ما توصخين غرفتج او الصالة فيهم..

ووزعي في الأماكن اللي تكون فيها بناتج نايلون مال الأكل اللي يستخدم مره ويرمي + فوطه !! عشان لا رجعت البنت تتلاحقين وما يتوصخ المكان ..!!

بالنسبه للبقع اللي راحت عليج بالديتوول وإذا قادره تعرضين الأشياء للشمس يكون وايد أفضل..

وإذا عندج الموكيت السجاد فيه بقع وروائح جربي (فبريز) رشاش ينقي الروائح ..

وبعد هذا كله وتبغين زوجج يدش البيت ويتفاجأ بالريحه اخذي بودرة أير ويك Airwick تلقينها في كارفور وفي الجمعيات وفيه برائحة اللافندر ورائحة الليمون .. أنا بصراحه احب اللافندر .. والليمون بعد يعطي انتعاش..

شغلي المكيفات ورشي البودرة على كل السجاد في البيت (بعيد عن غرفة بناتج أو المكان اللي هم نايمين فيه) .. وبعد ممكن ترشينها على الكراسي (عدا الكراسي الجلد) .. خليها مدة ربع ساعه عشر دقايق جذيه .. بعدين هاتي المدخن وحطيه وفي نفس الوقت اكنسي الزوالي والسجاد كله بالمكنسة الكهربائية ..

وشوفي كيف الريحه بتثبت في البيت مدة يومين ثلاثه
وما بتندمين بإذن الله على هالتجربه

ولاتنسين دايماً لازم تنضفين مسببات الريحه أول بأول

هوي البيت كل يوم مرتين الصبح بطلي درايش البيت وسكري السنترال والمغرب همن هوي البيت خل يتجدد الهوا وبخري البيت يوميا وعطريه
:)

أختي الحريم 1

اول شي الف سلامة ومايشوفون شر البنوتات

ولايهمك اختي أجر وعافيه ان شاء الله

وبالنسبة للريحة الاخوات ماقصرن ... ومثل ماقلن خصصي لهن غرفه تكون ركنيه

ولاتنسيين تبدلين المفارش والغيار كل مااتسخت...واذا صعب تبدلين الموكيت ..والسجاده

غسليهم على طول اول ماتتسخ بماي وملح وخل اول مره واتركيه 10 دقايق ينشف

وبعدها افركيه بالديتول ولاتنسيين تدخنين البيت باليوم 3 مرات او اكثرر ضروووري

والافضل يكوون اللباان شغال داايم لانه يطرد الجراثيم ويعقم ويشيل الأمراض باذن الله

وماانصحك تحطين اي عطورات بغرفة البنات عن تتفاعل وتأثر عليهن وع الريحه

يعني العطووور بالصاله وبغرفتك انتي

وعسى ربي يقومهن بالسلامه يااارب

لك من كل الاحترام والتقدير