بدخل فيه إعدام ،،، قريباً

والله يا جماعة ما أحب التشكي ولا التشره ولا بعمري نزلت موضوع
بس حاسة نفسي ودي أفضفض شوي وودي حد يحش في ريلي وياي و يقول لي هو الغلط 🙃🙃
يا جماعة الخير ما أعرف ريلي هالفترة شو ياينه
من حملت قلب علي فرعون صاير شيطان صاير أعوذ بالله ثور هايج
تقولن هو الحامل و هو إللي يتوحم
وانا أخستين عنه صايرة ألعن منه
إذا هو كبريت انا الغاز
مو قادرة أمسك نفسي و ما أرد عليه
كل كلمة يقولها أرد عليه
و هو سم ضروسه المرادد
بس حتى و لو
هو لو تم بالع لسانه ما بيلاقي مرادد مني صح ولا لأ
مشكلته دايم و أبدا يشوف نفسه هو الصح
و هو أهله و هم أهله واقفين في صفي ضده
بس عبالكم يعتبر
لا والله
عمك أصمخ
صار لي فترة أحاول والله أرقيه و أرقى نفسي مو قادرة
يا ناسية
يا الشيطان يوسوس لي ما يستاهل تقرين عشانه حرف 😞😞😞
و أبطل
تعبت والله
وصلت بينا والله من اسبوع لمدة الإيد
كان معصب رمى علي المخدة
ما قصرت فيه
رميت عليه المخدة والمنبه واللحاف والتليفون
و رحت عند أمه أصيح 🤓🤓
وقعدت تهدي فيني لين هديت
وقعدنا والله أسبوع ما نكلم بعض لين اليوم الظهر تصالحنا
والمغرب صارت ضرابة أكبر من إللي قبلها
تعبت يا ناس و الله تعبت
مو عارفة شو أتصرف معاه ولا شو أسوي
بس إدعولي
ما أدخل فيه إعدام 😉😉😉 راضية بالمؤبد بس بدون أشغال شاقة
لأني عجوز عشرينية 😔😔😔