انا الرضاعه سببت لي تساقط فضيع وسجاد غرفتي ابيض وصار اسود من شعري شي فوق الخيال ولما حملت بطفلي الثاني وصفت لي الطبيبه حبوب فيروجلوبين عشان الحمل ووقفت التساقط من ثاني اسبوع
ادعي لي بالرضا والسعاده

شوفي يمكن محتاجه فيتامينات
و اذا تبين خلطه في خلطة الحناء مع القرنفل اختي تستخدمها ما شاء الله تبارك الله شعرها قبل قلييييييل
اللحين ما شاء الله تغير تقريبا ٧٠% من ناحية الكثافه
وان شاء الله اكون افدتك ❤

يرفع

استخدمي الحنا اسبوعيا تراها هي اللي تفيد الشعر

هلا والله
شوفي بعطيك طريقه مضمونه ٢٠٠٪؜
وهي اعتبرها زي مايقولون الخلطه السريه 😃
وكنت مخليتها سر بيني وبين نفسي .. بس طمعي في دعواتكم خلاني احطها لكم


اول حاجه جيبي قدر صغير ماتبغونه
حطي فيه قشر بصل مع بصله وحده مقطوعه نصين او حلقات اللي تبين
وقشر ثوم مع فصين ثوم مقطوعه بالنص او حلقات زي ماتحبين
وحطي تقريبا عشر حبات ( قرنفل ، مسمار ، عويدي )
وصبي مويه عليهم
وخلي الخلطه هذي تغلي لحد مايذبل البصل والثوم
بعد مايذبل البصل والثوم طفي النار وشيلي القدر على جنب لحد مايبرد
اذا برد اشخليه واحتفظي بالمويه حقته راح تلاحظين لون المويه عنابي غامق
الحين لما صار عندنا المويه هذي عاد حطي عليها حناء وسدر وكمية الحناء تكون اكثر من كمية السدر
واعجنيهم مع بعض وخلي الحناء يتخمر ساعتين ثلاث
وبعدين حطيه على شعرك لمدة لاتقل عن ٧ ساعات وتكونين مغطيته بكيس او سُفرة
تروشي واغسليه بالشامبو وبعدين حطي زيت جوز الهند القدييييم اللي يجي في علبه حديد مدوره خضراء
خلي الزيت ايضا ٧ ساعات اقل شي
طبعا وانتي تحطين الزيت دلكي فروة راسك


وبس كرري هذا كل اسبوع
واذا متحمسه وفيك حيل في الاسبوع مرتين


طبعا انا طمعانه فعلا بدعواتكم
اي وحده تستفيد تدعي لي ان ربي يلم شملي
وان ربي يزيل همي ويجمل حظي


وبس سلامتكم طولت عليكم😃🙈
بس اللي تسوي الحناء هذا تسويه بحذافيره 😡