بدل الدجاجه تاكلين اثنين ...

يا بنات سويت لي دجاج امس ..و زوجي انجن عليه يقول لا سويتي بالطريقه هاذي سوي لي اثنين على الاقل ..ما ادري انتم تعرفونها و لا لا ...
المهم بلا تطويل و هذره زايده هاذي الطريقه
اول شي تقطعين الدجاج قطع صغيره ..على راحتج يعني تقصين الدجاجه بالنص ..و تشرحينها الصدر على 2 او 3 الظهر بروح الفخد 2
بعدين من الافضل انج تشيلين الجلد و نقعيها بماي و خل عشان الزفرة تروح
في هذه الاثناء جهزي الخلطه
في الخلاط حطي نص بصله + فص ثوم + شوي كزبره او بقدونس + مكعب ماجي + بهاراتج العاديه بس لا تكثرين و لا تحطين كمون او دارسين ..يعني بس فلفل اسود و كركم و بهارات مشكله بعدين حطي لج حوالي نص سكانه عصير ليمون او اذا مو فاضيه تعصرين حطي الليمون المركز الجاهز ...بديل الليمون عرفتوووه و لا تنسين الملح
و اضربيهم ضربا مبرحا بالخلاط
الحين غسلي الدجاج و صبي عليه الخلطه هاذي و خليه ينقع فيها ساعه على الاقل ...بعدين طلعيه و سيداااااااا غلفيه بالطحين و اقلي في زيت حاااااااار
و الله انه روعه ....
قدميه مع عيش سمك او عيش ابيض عادي ...و احمسي وياه شرايح بطاط
يهبببببببببببببببل :icon28: