بلاد العجائب...ياحبي لتس اجل تقرين علي؟؟


انفخي علي تسني احس بصخينة شوي اليوم...


:)

اوووووووووووووووووووووووووف

قامت مورين تعصلب ضعيّفة الله وتفتح درجها اللي ...


شوفوا....اغرب ماشفت في هالديرة كيفية الاستفادة من لمساحات ...

يعني غرفة الصالة حقتها نفس مساحة غرفة الصالة حقتنا


واللي يالله يالله تاسع كنبة كبر يدي مع ملحقاتها وطاولة شاهي هالكبير...

مع تلفزيون


هي تخيلوا وش حاطة؟؟


1_صوفا هاااااااااذا طولها

2_ملحقات الصوفا ثنتين

3_ثلاث مساند قدم...انا اخبر البني آدم عنده رجلين مدري منهي رجله هالثالثة...

4_تلفزيون هااااذا كبره

5_طاولة طعام لآربع اشخاص :)

6_درج تحف (زي المكتبة ) فوقه صفّة تماثيل وتذكارات وبطاقات قامت وحطت بطاقتي عليها...همين فتحت الدرج وطلعت البوم الصور حقها يالله منب ارحم منك...

وتجي تلهث والله اني قلتلها يام وليام الله لايهينتس وشوله تقومين تعصلبين لاتعبين نفسك

قالت لي (مر):)...اجل تحسبيني عجوز؟؟؟

وتجي تقعد جنبي وتبدا توريني الصور حقتها...

صور رجيلها...اللي توفى في اكتوبر...

صورها وهي بنت ...

صورها وهي مر على عملها 25 سة في حفلة من ايام الابيض والاسود...ايام موضة تسريحات سعاد عبدالله وحياة الفهد:)

صور كثيرة كثيرة وعلى رأسها صورة امها اللي توفت وعمرها 95

وصورتها يوم كانت عمرها 18

عام 1918!!!

بعد الحرب العالمية الاولى باربع سنين فقط...


ياااااااااااه ...



اشياء قيمة وقديمة وانا اموت في الاشياء القديمة...


احس فعلا اني انتمي لذيك الازمنة النظيفة والبريئة...


هل بيكون زمننا افضل منها؟؟؟ام انه لن يكون...؟؟


الله اعلم...


................


قلتلها من قلبي...أيام حلوة ...


ماعلقت....عادة هم مايعلقون بمواقف زي كذ

او انها ماتعرف طريقة السعوديين في التعبير عن تعاطفهم


او انها ماتدري اني عاطفية لدرجة خرافية:)


جا عاد وقت الضيافة...


قالت لي ها القهيوة ....حالفة الا تقهوين


قلت ابد ...اللي انتي تبي تزينين لروحك زيني لي ان كنتي تبي تصلحين شاهي صلحيلي شاهي ان تبين قهوة صلحيلي معاك قهوة...


وتقوم تعصلب لمطبخ وتقرقع وهي تجيب القهيوة ضعيفة الله ...ومع صحن بسيكيت مكسّر يوم شفته مير تخنقني العبرة...


مادري ليه ارحم العجيزات ...


قعدت اسولف لها عن امي...وعن مرضها...وعن كيف لما كانت مريضة جدا كانت تذكر الله ...


طبعا..الحق يقال...


لاتنتظرين من الآخر انه يفكر ويشعر بطريقتك...

انا توقعت انها بتتأثر او بتقول لي على الاقل كلمة مجاملة او ان هذا شي رائع...


طبعا اللي انا متأكدة منه انها مغيّبة ....كوحدة غير مثقفة اولا...وكأنغليزية صالحة :) ثانيا...

عن معرفة الآخرين ومن ضمنهم المسلمين...


كانت متعجبة ...او بالاحرى اول مرة تسمع احد يحدثها عن وحدة مريضة وعن المرض وعن الايمان بهالطريقة


طبعا ماكان لي هدف من هالمحادثة الحق يقال...سوى اني الفت نظرها انها ان كانت مؤمنة فنحن مؤمنين مثلها تماما...

وربما اكثر...لأننا لانكره...لانحقد ...لانظن ان الله تعالى يصنف الناس حسب اجناسهم والوانهم...وحسب اعراقهم...


وانما حسب محبتهم له...وحسب وصولهم اليه سبحانه...

حسب اعمالهم وايمانهم.....

لم احاول الدخول في اكثر من ذلك حين لاحظت انها متفاجأة أو ربما...غير مصدقة ان امي حين استيقظت من نوبات الصرع كانت تقرأ آية الكرسي !!!


........


طبعا ماقلت لها آية الكرسي....:)


ولكن قلت آيات من كتابنا المقدس...القرآن...


طبعا هي لاتعرف القرآن..


وربما لاتريد ان تعرف...



:)



........



وصلنا عند حد الزواج وعادات الزواج ..

قالت لي انها كانت تعرف بوي فريند قبل ابوهم قلت واخزياه واعيباه...

هذي وانتي من ايام الابيض والاسود اجل لو انتس لاحقتن الملون تسان وش سويتي ؟؟؟

قالت لالالا موب زي بوي فرنت الجيل التالي...

يجي بموعد معين وببيت اهلي ولايلمسني ولا شي...


لين نعرس...


قلت ايه هشوى


قالت اجل انتم شلون تعرسون


قلت مرة يام وليام حنا يالمسلمين تقاليدنا مختلفة


الرجال مايشوف الحرمة الا بمعرفة اهلها..مافي شي يصير بدون علم العائلة...


ممكن يعرفها من قبل لكن يشوفها او يتصل فيها بدون علم اهلها هذا غير مقبول...

ولازم العائلة توافق وبعدها يسوون عقد ومن ثم الزواج ...


قالت هييييييييييه ....


قلت هيييييييييييه يام وليام...


ه1ي دنيانا ...ثقافتنا المضيئة...


أشياءنا الرائعة اللي بدينا نتململ منها ونتمنى لو راحت عنا...


عفتنا....

عروبتنا...اسلامنا...

الأشياء الرائعة اللي غرسها فينا صفوة الخلق محمد صلى الله عليه وسلم...

واللي ضاعت من الانسان الغربي من زمان...


استبدل فيها _فعلا_اشياء جميلة لانستطيع انكارها...


ولكنه فقد أهم ماهنالك ..


فقد الله ...


ومن فقد الله..


فماذا وجد...


ومن وجد الله...


فماذا فقد...


.............



رحت عنها يوم حسيت انه كفاية زيارة وسواليف...


لبست جاكيتي ومطختها وقلت لها يالله لاتهينها ...


وعاد تراها وداعة ان تردين الزيارة ...


...



نزلت تحت وفي فمي اشياء كثيرة تنقال...


فارق الزمن ليس سهلا بين وحدة في السابعة والعشرين ووحدة في منتصف السبعين ...


بين كاتبة عربية سعودية وموظفة انغليزية متقاعدة...


لكن لغة القلوب لاتحتاج الى اشياء كثيرة لتصل ...


تحتاج فقط الحب...والصدق...


اللي يسوون المعجزات ...



تخلص وتملص...

تركب حميرها ....وتزنط...:)

يوووووووه أنتي رووعة والله ..

فديتس والله يا بدّورة , وعد منتس , ابيتس توصلين هالكلام لرجلتس ..
عز الله انه شاريتس , و عز الله انه ذيب << خابرتن رجالنا يحبون الذيابه ههههه
عز الله انه ذيب يوم انه قنصتس و تزوجتس انتي بالذات , تزوج انسانة مثقفة واعية مرحه ..
الله يديم المحبة بينكم يارب .. ويجعلن اتتلمذ على ايديتس بالثقافة وخفة الدم ..

وووهـ بس ما ادري وش اقول , خانن التعبير ..

:)

ياحبي لتس يانواعم انتي


نفختي راسك وانتفخ وصكني الحين من بيقرا علي؟؟

اقولك الرجال مايدورون ثقافة وعلم يدورون كبسة وكشخة..


هكاليوم تسالني اختي وش يحب رجلك البنات ولا العيال

مير انشده وش تحب البنات ولا العيال


قال والله انا احب الكبسة:)


اجابة مثالية ويتسحق عليها الدرجة كاملة....:)


ساورنتي ياحبي لك ملاسة بلاستيك :)


تصدقين عاد؟؟