شلونكم ؟؟
ان شاءالله بخيرات
اليوم طابه علي الشقرده طبه مادري وش الدبره
المهم اني سويت العصر حلا طلع حلو بس قهر ماصورتهوش نوبتن لوخرىا ان شاءالله
وسويت الفجريه حلا بس مادري وش اسمه ناسيته والمخ مقفل قلت بدون اسم يعبر
سهل ومايبي له شي نقطه وانتي قاضيه
عاد قلت انزله صارلي فتره
نبدا
مقاديره ..
.. اوريو ..
.. قشطة قيمر ..
.. توفي ..
.. شعيريه ..
.. شوكلاته خام ..
وذا اي شي عندكم قد الاوريو جيبيه للتشكيل وحلو بالتشكيل تلبسين الكفوف عشان يترك يدتس
بسرعه وماتبلشين
نحط القشطه علىا الاوريو لحد مايتماسك وتحسين انتس كل ماشكلتيه علىا شي مشىا معك
بعد كذا
نغلف اللي بنحط به الاوريو علشان يطلع بسرعه بمجرد مانسحب جوانب التغليفه تنقز
تكفين لاتشرحين حامت تسبدي وهي انا
نحط كورة اوريو جواته ونلصقه بالجوانب ونخلي الوسطي حفره
نصب جواته التوفي ونحط شعيريه ونخلي الجوانب طالع منه الاوريو عشان يلصق به البسكويت زي كذا
بعد كذا نجيب حبة اوريو نفكه ونشيل اللي جواته ونقفله بها ونقلبها
نذوب الخام ونمشيها رايحين راجعين عليها ونخليها شويات يجمد
هنا بعد ماقلبناها وحطينا الخام
هنا تبين التقفيله با لاوريو
كذا من جوا
وبس ان شاءالله انه جاز لكم مايبي له شي ابدن ولذيذ طعمه
●●●●●●●●●●●●●