بدون تعليق !!!

مرااااااااااااااااااحب حبايبي

:06:

لا هم .. لا غربال .. لا سل .. لا سوس
اكبر عدوٍ عندنا هالبطاله

نتعب على الاولاد وندوخ ونحوس
وتهدّم الاخلاق ناسٍ حثاله

واللي نقص ما يعرف الحق ويقوس
وش نرتجي باهل الكفر والضلاله

نشري العسل في وسطه السم مدسوس
الدش للتدمير يكفي لحاله

شف هالخدم جتك من الشرق بطقوس
يا من شراله علةٍ من حلاله

تلقى المره بالبيت برميل متروس
بس تشتكي من جسمها غير حاله

قلب الرجل من شغلها صار محموس
لا مرضعه لا مربيّه في عياله

لا جا معاشه تنشبه عطني فلوس
تصير وسط البيت صاحب جلاله

و ( البنت ) جمله حطها داخل القوس
في المجتمع لغزٍ يحيّر سؤاله

لا تفرش السفره و لا تجيب مكبوس
لا تغسّل و لا تشيل البياله

اكلٍ ونومٍ جسمها تقول جاموس
في شربة الماء تتّكل عالعماله

والا الولد يحدّد الراس بالموس
واكبر همومه يعتني في جماله

كل يوم جالب له من السوق ملبوس
يركض ورا الموضة وخلا عقاله

واللي يشيب الراس حفلات العروس
وشيٍ بهالصالات عدى خياله

الشين زين وصاير الصح منكوس
نقلد الاعمى وراعي الجهاله

والعولمه بتجيك في ناسٍ هيوس
واللي بقى شرواك ضايع مجاله

يالله دخيلك وضعنا صار معفوس
وقت الضحى من هو يضيّع شماله

شفت السفينة ينخر بجسمها السوس
واكبر جنود السوس هو البطاله

منقوووول

حفلــــــــــــــــه