بدون جبر خواطر

السلام عليكم حبيباتي حوائياااااااات


امهات المستقبل القريب باذن الله


من الاخر نفسي احمل ...نفسي اكون ام ...مافي على ربنا شي كبير ..


انا الحمد لله صابرة وراضية ...وكمان مراااات احس اني مو عبالي يجيني اولالاد ..(بضحك عحالي)

وايام تشوفيني ميتة متسوسحة احمل او يكون عندي بيبي ..اتخيلوا لدرجة احط تحت عبايتي ملابس عبطني

واتخيل حالي حامل ..واطلع على حالي على المراية واضحك مبسوطة ..بس والله مو هبلة ..بس برتاح شوي

هههههه بس بكون وقتها لوحدي مو قدام احد بلاش يفكرني هبلة ...بس ما احد رح يفهمني الا الي عايش نفس دوري

الحمد لله ..الحمد لله ..الحمد لله على كل حال انا على يقين ان كل شي بايد ربنا ..بس الامومة الي داخل كل

بنت فينا ما في اي شي بيقتلها ..

الحمد لله عندي اولاد خواتي ..واولاد اخوتي ..وولاد سلفتي ..وولاد كل العيلة العبهم لما اشبع وكلهم يحبوني

بس انا نفسي اشوف على ايدي ولد ..انا امه ..حملته 9 شهور ...ورضعته من صدري ..وزوجي هو ابوه

نسهر نلعب بشعره ونطلع عليه ونخاصم بعض واحنا نحكي بيشبه مين ..نفسي يصحيني من عز نومي

وهو يبكي ...نفسي يناديلي ماما ماما ..نفسي اطعمه بايدي واداديه باول خطواته ...ولما يجي زوجي من

دوامه يركض يلاقيه وينادي بابا بابا اجى بابا جابلي معاه حلو ... نفسي يكون عندي بنت امشطلها شعرها

والبسها احلى فساتين ....


انا بفكر هيك ...انا بخطر عبالي تكون حياتي هيك ...انا بحب هيك ..


انا هلا عم ابكي من حرقة قلبي ...لكن الحمد لله

مابعرف كيف طلع هالكلام معي ..

بس حبيباتي مابدي احد يجبر بخاطري ...انا صابرة والحمد لله ..بس في النهاية انا لازم اكووووووون ام


..بارادة الله


انت اختي كيف بتفكري شو بخطر في بالك ..معقول الاقي احد متلي ..