بدون عنوان00000

السلام عليكم ورحمة الله وبركاته اخواتي في عالم الانس والموده عالم حواء الله لايحرمنا منه ولا من مشاركاتكم الحلوه اليوم انا بطرح موضوع يمكن يعاني منه كل اللي ما حملوا00الله يرزقنا اجمعين 00وهو احساس الزوجه بالالم على زوجها اللي ممكن يكون ينتظر كلمة بابا من زمن وخاصه اذا كان من النوع الحبيب والشاعري ولا يحب يجرح مشاعر زوجته ويظهر عدم اهتمامه بالموضوع وهذي الحاله تنطبق على زوجي تماما وتلاحظين شغفه بهذا الشى كل ما تتاخر الدوره احس روحي تطلع اذا شفته يفكر ويتمنى على امل انها ما تشرف 000

انا اكثر انسانه اعاني لكن من غير ما اتكلم لان الشكوى لغير الله مذله لكن في موقف يقرقع بصدري ولازم اقوله والا بينفجر المنتدى 000 :angry: امزح صدقتو عاد00المهم هذا يا طويلات العمر اختياللي اكبر مني على طول عندها بنتين الله يخليهم لها وذات يوم كانت اختي شاكه انها حامل وخايفه لان بنتها صغيره وسوت تحليل وكان ايجابي هي انهارت وصياح وتسخط على النعمه المهم قررت اختي انها تسقطه بمباركة اختي اللي اكبر منها انا سمعت الخبر من هنا وسرحت في خاطري اقول انا فريت المستشفيات فر علشان الحمل وهي بكل سهوله تبي تنزله خانتني قواي وقعت اصيح لحالي لاني ما احب اكون في موقف شفقه من أي احد وقعدت انصحها واقولها هذا رزق من الله كيف تفرطين فيه وان اللي رزقك ممكن يعاقبك على هذا الشى لكن لا حياة لمن تنادي ونزلته انا تمنيت لو اقدر اخذه بدالها وذيك الليله حسيت بضيقة صدر الله اعلم بها لكن الله على كل شيء قدير00يمكن تاخيري فيه خيره لي لاني هالسنه خلصت كليه والحمدلله لو كان معي نونو يمكن ماتخرجت000
واللي مضايقني موت اذا اجتمعت مع خواتي ما عمرهم بردوا قلبي بدعوه لاختهم اللي يشوفونها من مستشفى لثاني بس يفكرون متى يحملون بالثاني والثالث واذا ملوا من اطفالهم قالوا حظك ماعنك اطفال على قولتهم لا ورع صايح ولا قدر فايح 0000ابغى منهم بس دعوه هذا غير عدم مراعاة شعوري فيقولون يا ليتني عقيمه ما اجيب 00 اه واه لو ذقتم مرارة هالكلمه 00000


ودمتم لمن تحبون 00000