بدون عنوان بس ادخلوا تكفون

السلام عليكم ..
خواتي ادري مابيدكم شي كل شي بيد الله بس وربي نفسيتي تعبانه
قسم حتى النوم مااقدرت انام
في العشر الأخيره من رمضان جاتني الآم في المعده والقولون رحت المستشفى
طلبت الدكتوره اشعه صوتيه على المعده والقولون والكبد
طلعت نتيجة الأشعه حصوات في المراره حولتني على الجراح
مارحت للجراح على طول لأن كان خلاص باقي اسبوع على العيد
اجلت الموضوع لما بعد العيد امس رحت للجراح قرأ نتيجة الاشعه
قالي لازم اسويلك اشعه مقطعيه على الكبد لأن فيه شي بالكبد شاكين فيه
ياهي اورده متضخمه او غده لمفاويه لازم اتأكد بالأشعه وموعد الاشاعه يوم السبت
وانا على اعصابي ماأدري مدى خطورة هالكلام اللي قاله هل هو شي خطير
حاولت استفسر منه بس ماعطاني اي اجابه شافيه او ممكن تريحني شوي
كل سؤال يجاوبه بكلمة ماعرفش بعد الاشعه اقرر
سألني سؤال قالي انتي تستعملين حبوب منع الحمل او اي علاج منظم للهرمونات او للدوره
قلتله سابقاً كنت استعمل حبوب primolut منظمه للدوره قال احتمال كبير تكون هي السبب
لكنه ماطمني من ناحية موضوع الكبد
وانا اساساً عندي خوووف وسواس ماصدقت على الله اني اهدى الفتره اللي راحت لكن مااقول غير الحمد لله من قبل ومن بعد
سؤالي لكم اخواتي اللي ماجابتهم امي .. اللي عندها كلمه تطمني فيها او دعوة تخصني بها ترى مالها الا الأجر وربي اني منهاره وفي حاله مايعلم بها غير الله وربي اكتب لكم وانا ابكي ادري كل شي بيد الله لكن من باب السلوى لأني قلقانه
وخاااايفه موخوف على نفسي وربي خوف على بنياتي من بعدي عشت ظروف قااسيه وتحملت وحاربت علشان ماافقدهم ومايتربون بحضن غيري ومايمسهم كدر الدنيا لكن سبحان الله ماادري وش مقدر لي ولهم
خلاص ماعاد عندي شي اقوله غير ربي ادعيه ان يكتب لي الخير ولبناتي سواء انا معهم او بدوني
والحمد لله على كل حال