بديت أبعد عن طفلي بسبب كلام الناس...

السلام عليكم ورحمة الله

يابنات أنا عندي طفل عمره ثلاثه شهور وولدي هذا طالع لأبوه بكل شي كأنه أبوه مصغر وهوه أسمر شوي وعادي شكله بس مو حلو فالناس اللي شافوه يقولون يوه ولدك مو زيك أو اللي تقول ولدك أسمر ووحده تقول ولدنا أحسن من ولدك ووحده تقول أنا ما أقدر أسلم عليه أحس أنه رجال وأحسهم ما يبوسونه حتى من بعيد أحس ما أحد يحبه وهذولا اللي بيقولوا هذا الكلام كلهم من أقاربي مع العلم إني أحب عيالهم وأبوسهم ودايما أسأل عنهم ...وهذا الشي مره أثر فيني وزعلت وجلست أبكي و مالقيت أحد أشكيله غيركم حتى زوجي ما قلت له شي ...أنا مرات أقول الحمد لله أنه سليم ومافيه شي الشكل مايهم بس أتذكر كلامهم وأزعل ...

أنا كلامي هذا ما هو إعتراض على خلقة ربي لالالا أنا بس أبغاكم تساعدوني كيف أتصرف معهم وكيف أرد عليهم مع العلم إني ما أبين إني زعلانه لهم ...