بديت أشك في نفسي

صباح الخير
ي بنات قبل فتره زوجي قرر يشتري فيلا واحنا ندور وندور ولقينا فيلا وخلاص دفعنا العربون وسبحان الله ماتمت المعامله مالنا نصيب وانا نفسي في ذيك الفيلا ودايم اقول ي بخت اللي بياخذها ولقينا فيلا ثانيه وخلاص تمت المعامله بس انا دايم أفكر في ذيك الفيلا امي قالت لي ابي اشوف هالفيلا اللي عاجبتك ووديت امي وشافتها ( طبعا ماانباعت الفيلا ) قالت لي امي يمكن لان نفسك فيها وعينك فيها ماانباعت قولي الله يهني اللي بياخذها وقَعَدت تقولي كلام كثير عن اني ارضى وأنها مو نصيبي والحين انا وزوجي مرينا من جنبها ولسا ماانباعت ( الحين لها سبع شهور تقريبا ) قالي زوجي حرام عليك خلاص الله يرزق صاحبها اقتنعي انها مو لنا ( ي بنات حسّيت ان عيني حاره والله انا من لما كلمتني امي وانا خلاص ماعاد أفكر فيها ) معقوله انا عيني فيها والله بديت أشك في نفسي !!