حمستوني انظم معاكم
ولدي توه مخلص سنتين وتسع شهور وللحين موراضي يروح الحمام اوديه ونجلس نص ساعه ونطلع بدون مايسوي شي بس يكون فرحان وايد واذا قت له يالله حمام يروح قبلي ونطلع بدون فايده ومره قبل شهرين شلت عنه البامبرز وكل شوي اوديه الحمام مايسوي شي واذا طلعنا يعملها في ثيابه مليت منه ورجعت على البامبرز والحين امي تقول خلاص المفروض تعلم من زمان بس مشكلة مايتكلم الا اذا سوى الكاكا وماعنده اوقات معينه في اليوم للكاكا ويشرب سوائل وايد طول اليوم عطوني خبراتكم
ايه وقبل فتره اشتريت له كيلوت (هاف) بالرسومات الا يحبها وقلت له البسه وخله نظيف لاتبول فيه قال زين وبعد شوي عملها فيه
فتفوتي
•
لا يمكنك مشاهدة هذا التعليق لانتهاكه شروط الاستخدام.
فتفوتي..
اول شي .. مع احترامي للوالدة الله يخليها لج .. لكن لا تسمعين كلام اللي حولج وايد .. أو بمعنى أدق لا تخلينه يأثر فيج أو يسبب لج إحباط .. انا اختي تمت تتطنز علي يوم ولدي وصل سنتين ونص وبعده يلبس بامبرز .. وزوجة خال زوجي ذبحتتتتتني .. كل مرة تزورنا لالالالالازم تعلق على سالفة الحمام والا ترمي نغزة سخيفة .. مع اني عمري ما فتحت الموضوع وياها .. بس هي بروحها كانت تتبرع وتسال اذا ولدي بعده يلبس بامبرز او لا .. لدرجة انها قامت تمدح بنتها جدامي وتقول (فديت بنتي من زماااان بطلت البامبرز)!!!! .. والبنت أكبر عن ولدي بخمس شهور.
بس انا ما همني .. وما بديت مع ولدي الا يوم حسيت اني انا وهو مستعدين للموضوع .. والحمدلله رب العالمين انا بديت مع ولدي من حوالي عشر ايام والحين ما شاء الله وصل مرحلة متقدمة في التعليم انا نفسي ما كنت متوقعتها اول ما نزلت الموضوع.
وأهم شي لازم تعرفينه انه الولد ما بيقدر يقول ابا اسوي حمام من اولها .. يعني يبا له فترة لين يفهم شو اللي يصير وياه .. وانتي دورج انج كل نص ساعة او ساعة الا ربع تودينه الحمام حتى لو هو قال لج ما ابا .. واذا سواها في ثيابه ازعلي منه بجد .. بجد بجد .. واحرميه من اي لعبة يحبها لين يسويها المرة اللي عقبها في الحمام .. المهم انه يحس انج ما تمزحين وان الموضوع مب لعب ودلع .. اما اذا سواها في الحمام فسوي له عرس :)
وعلى فكرة .. مثل ما قالت جرح الورد .. في البداية يمكن يخاف .. وانا ولدي تم ثلاث ايام ما يتبرز لين تعود على السالفة.
ومع انه فديته تعود على الموضوع .. واحيانا يقول (ابا حمام) .. لكن بعدني احس مب وقته اعتمد عليه اعتماد كلي يعني ما اترياه هو لين يقول .. وبعدني لين الحين كل ساعة ادخله الحمام .. وقلت الاسبوع الياي بيكون الاسبوع الثالث من بداية التعليم وباجرب اخليه لين هو بروحه ينحصر وباشوف شو بيصير.
وبالمناسبة .. انا بعد كنت متعقدة موت من سالفة وساخة البيت الله يعزكم .. خصوصا اني ساكنة مع أهل زوجي .. وبصراحة ما كان عندي استعداد اسمع اي كلمة لو ولدي كان عند حد منهم في غرفهم وحاس الدنيا عندهم .. حتى لو الكلام كان بحسن نية أو مزح .. عشان جذي من البداية ما استخدمت الملابس الداخلية العادية (الهافات) .. انا استخدمت الحفاظات القطنية .. هي تكون مثل شكل الحفاظ وتتسكر مثله من الجوانب .. لكنها غليظة من تحت .. يعني اذا الولد سواها ما يطيح شي على الأرض .. بس هو طبعاً يحس انه سوا شي.
بس اليوم لبسته ملابس داخلية وقلت باشوف شو بيصير .. والحمدلله مر الموضوع بسلام دون حوادث :)
اول شي .. مع احترامي للوالدة الله يخليها لج .. لكن لا تسمعين كلام اللي حولج وايد .. أو بمعنى أدق لا تخلينه يأثر فيج أو يسبب لج إحباط .. انا اختي تمت تتطنز علي يوم ولدي وصل سنتين ونص وبعده يلبس بامبرز .. وزوجة خال زوجي ذبحتتتتتني .. كل مرة تزورنا لالالالالازم تعلق على سالفة الحمام والا ترمي نغزة سخيفة .. مع اني عمري ما فتحت الموضوع وياها .. بس هي بروحها كانت تتبرع وتسال اذا ولدي بعده يلبس بامبرز او لا .. لدرجة انها قامت تمدح بنتها جدامي وتقول (فديت بنتي من زماااان بطلت البامبرز)!!!! .. والبنت أكبر عن ولدي بخمس شهور.
بس انا ما همني .. وما بديت مع ولدي الا يوم حسيت اني انا وهو مستعدين للموضوع .. والحمدلله رب العالمين انا بديت مع ولدي من حوالي عشر ايام والحين ما شاء الله وصل مرحلة متقدمة في التعليم انا نفسي ما كنت متوقعتها اول ما نزلت الموضوع.
وأهم شي لازم تعرفينه انه الولد ما بيقدر يقول ابا اسوي حمام من اولها .. يعني يبا له فترة لين يفهم شو اللي يصير وياه .. وانتي دورج انج كل نص ساعة او ساعة الا ربع تودينه الحمام حتى لو هو قال لج ما ابا .. واذا سواها في ثيابه ازعلي منه بجد .. بجد بجد .. واحرميه من اي لعبة يحبها لين يسويها المرة اللي عقبها في الحمام .. المهم انه يحس انج ما تمزحين وان الموضوع مب لعب ودلع .. اما اذا سواها في الحمام فسوي له عرس :)
وعلى فكرة .. مثل ما قالت جرح الورد .. في البداية يمكن يخاف .. وانا ولدي تم ثلاث ايام ما يتبرز لين تعود على السالفة.
ومع انه فديته تعود على الموضوع .. واحيانا يقول (ابا حمام) .. لكن بعدني احس مب وقته اعتمد عليه اعتماد كلي يعني ما اترياه هو لين يقول .. وبعدني لين الحين كل ساعة ادخله الحمام .. وقلت الاسبوع الياي بيكون الاسبوع الثالث من بداية التعليم وباجرب اخليه لين هو بروحه ينحصر وباشوف شو بيصير.
وبالمناسبة .. انا بعد كنت متعقدة موت من سالفة وساخة البيت الله يعزكم .. خصوصا اني ساكنة مع أهل زوجي .. وبصراحة ما كان عندي استعداد اسمع اي كلمة لو ولدي كان عند حد منهم في غرفهم وحاس الدنيا عندهم .. حتى لو الكلام كان بحسن نية أو مزح .. عشان جذي من البداية ما استخدمت الملابس الداخلية العادية (الهافات) .. انا استخدمت الحفاظات القطنية .. هي تكون مثل شكل الحفاظ وتتسكر مثله من الجوانب .. لكنها غليظة من تحت .. يعني اذا الولد سواها ما يطيح شي على الأرض .. بس هو طبعاً يحس انه سوا شي.
بس اليوم لبسته ملابس داخلية وقلت باشوف شو بيصير .. والحمدلله مر الموضوع بسلام دون حوادث :)
ونسيت بعد شي احب اسألكم اياه ويش تسون لو طلب منكم الطفل الحمام وانتم في السياره في الشارع مثل على طريق السريع ولافي حمامات ويش بتسوون ؟ونسيت بعد شي احب اسألكم اياه ويش تسون لو طلب منكم الطفل الحمام وانتم في السياره في الشارع مثل على...
اذا كان ولد نوقف في ارض فاضيه ..طبعا بول الله يكرمكم
والبنت الافضل انها تكون معك النونيه استر لها مع مناديل مرطبه او قارورة ماء
وفيه نونيه قاعدتها كيس نايلون يعني اذا خلص ارمي الكيس والنونيه يصير ماجاها شيء
أم الهتون
مبروك التقدم اللي وصلتو له
و تعليم الحمام يبغى له اصرار وصبر
وافضل عمر لتعليم الحمام من سنتين الى سنتين ونصف عن تجربه
وبالتوفيق ان شاء الله
والبنت الافضل انها تكون معك النونيه استر لها مع مناديل مرطبه او قارورة ماء
وفيه نونيه قاعدتها كيس نايلون يعني اذا خلص ارمي الكيس والنونيه يصير ماجاها شيء
أم الهتون
مبروك التقدم اللي وصلتو له
و تعليم الحمام يبغى له اصرار وصبر
وافضل عمر لتعليم الحمام من سنتين الى سنتين ونصف عن تجربه
وبالتوفيق ان شاء الله
الصفحة الأخيرة
كبوة أمس اللي خبرتكم عنها كانت الكبيرة مب الصغيرة .. سواها في ملابسه وعقب قال لي.
انا شو سويت؟؟
عاتبته ومنعته من الالعاب مالته .. واتصلت على ابوه في الدوام وقلت له يكلمه ويقول له ان احنا ما بنشتري له السيارة اللي كنا واعدينه فيها لأنه سوا كاكا في ملابسه مب في الحمام .. وان احنا ما بنشتريها الا عقب ما يسويها في الحمام .
وابوه نفذ المطلوب بحذافيره :wink2:
وقبل ما يرقد عطيت ولدي محاضرة.
وعلى فكرة انا كنت اتكلم بجد وفعلا ما كنت باشتري له السيارة الا عقب ما يسوي الكاكا في الحمام.
اليوم الصبح فديته قام من النوم الساعة ست .. وناداني وقال لي (ماما ابا كاكا) .. ودخلته الحمام وفعلا سواها .. مع انه اصلا مب موعده لأنه بالعادة يسويها على الساعة سبع ونص او ثمان الصبح .. المهم عقب ما خلص بسته :luvkiss: وحضنته وقلت له (انت واااايد شاطر وانا وااااايد مبسوطة منك) . فقال لي: (ماما وي وي؟؟؟ .. (الوي وي = سيارة الشرطة اللي هو خاطره فيها) .. قلت له (من عيوووووني الثنتين) .. وطبعاً رحنا اشترينا له الوي وي :smile:
وعقب ما رجعنا البيت لقيت البامبرز ماله نظيف كالعادة .. وسواها في الحمام على طول فديته.
والحين هو ياخذ قيلولته .. وفكرت قبل ما يرقد اني ما البسه البامبرز .. بس بعدني مب متجرأة :smile: بس قلت خلني اتريا هالاسبوع يخلص وعقب يمكن اتجرأ اكثر وارقده الظهر بدون بامبرز.