الغالية .. في بداية التعليم لازم تودين ولدج الحمام بنفسج كل نص ساعة تقريباً .. وما دام الحمام بعيد عنج فهذا بيكون تعب وهد حيل لج .. وانتي ما شاء الله عليج في الثامن يعني ما بتقدرين تتحركين براحتج .. فانا رايي انج تأجلين الموضوع لين عقب الولادة ان شاء الله. والله يقومج بالسلامة.الغالية .. في بداية التعليم لازم تودين ولدج الحمام بنفسج كل نص ساعة تقريباً .. وما دام الحمام...
جزاك الله خير الجزاء على سرعه ردك يعني رايك أأجل التعليم الين بعد الولاده .. أنا قلت خليني أجرب اسبوع واحد بس اذا كان فيه تقدم ملحوظ استمر واذا كانت الامور سيئه أوقف .. تصدقي حبيبتي اني خايفه من المولود الجديد لا يكون تأثيره سلبي ويتاخر ولدي أكثر .. هذا غير تعليقات الناس اللي تحسسني اني أم مهمله .. هذا وأنا في غربه عاد لو في بلدي اش كان صار .. .. معلش غثيتك حبيبتي بس والله الموضوع ماخذ مسااااحه من تفكيري كأني باخترع الذره ..:39: الله يحفظ لك وليدك ويرزقك بأخوان واخوات له يارب .. تقبلي تحياااتي ..جزاك الله خير الجزاء على سرعه ردك يعني رايك أأجل التعليم الين بعد الولاده .. أنا قلت...
حبيبتي.. والله لو تشوفيني قبل ما ابدا مع ولدي شكثر كنت افكر في الموضوع وحاسة بالتوتر والقلق بتقولين كاني رايحة افتح مالطة :icon30: .. يعني مشاعرج هذه طبيعية وعادية. وبعدين من يقول اساسا ان تعليم استخدام الحمام مهمة سهلة؟؟ .. هذه مرحلة انتقالية مهمة في حياة الأم والطفل في نفس الوقت .. يعني طبيعي تاخذ مساحة من تفكيرنا. شوفي الغالية .. أول شي ما عليج ابدااااا من كلام الناس .... ولدج هذا مسؤوليتج انتي وانتي اللي تعرفين كيف ومتى تعلمينه أو ما تعلمينه. وعلى فكرة انا علمت ولدي وكان عمره سنتين وسبع شهور تقريباً .. وبعد كنت اسمع تعليقات اني وايد تأخرت في تعليمه وكان لازم ابدا من زمان .... لكن انا ولا همني :pbsmile: فاذا حبيتي تجربين وياه فخلاص توكلي على الله وشوفي شو بيصير .. لكن اذا حسيتي انج تعبانة ومب قادرة فوقفي الموضوع طبعاً. لكن انا قلت لج الافضل انج تأجلين لبعد الولادة لسبب ... الطفل في بداية التعليم يباله تودينه الحمام بنفسج مثل ما قلت لج .. تقريباً كل نص ساعة او ساعة الا ربع لازم تودينه .. والحرمة في شهرها الثامن تكون حركتها ثقيلة ومب قادرة تشيل نفسها عدل فكيف بالياهل توديه كل شوي الحمام؟ .. فخفت صراحة انج تبدين وياه ويمكن فديته يتحمس ويتجاوب بس انتي اللي تتعبين وتوقفين الموضوع .. وفي هالحالة الولد ممكن يتخربط وما يفهم شو السالفة ويمكن يأثر على تعليمه بعدين ... فقلت الأفضل انج تترين لين تخلصين الأربعين وترتاحين من الولادة وعقب تبدين مع الولد براحة. واذا كنتي خايفة من تأثير المولود الجديد .. فأختنا نغمة تائهة كانت تسوي حركة حلوة .. يوم كانت تبدل لولدها الصغير وهو بعده نونو كانت تقعد تتطنز عليه وتقول لاخوه الكبير اللي كانت تعلمه على الحمام: (شوف اخوك النونو كيف مب شاطر .. ما يروح الحمام مثلك يا بطل) .. يعني تقعد تذم في الصغير حليله عشان الكبير يفهم انه استخدام البامبرز مب حلو فما يفكر انه يقلد أو ينتكس .. والحمدلله طريقتها كانت نافعة مع ولدها .. وانا شخصياً ناوية اطبقها اذا الله رزقني بالياهل الثاني ان شاء الله.حبيبتي.. والله لو تشوفيني قبل ما ابدا مع ولدي شكثر كنت افكر في الموضوع وحاسة بالتوتر والقلق...
الله يسعدك يا أم الهتون مثل ما أسعدتيني بردك صادقه في كل كلمه قلتيها فكره الأخت نغمه تائهه حلووووه بس بتوكل على الله وببدأ يوم الاثنين لأن بكره وبعده بيكون عندي أخو زوجي ضيف وما أبغى حوسه التعليم تكون في وجوده .. وراح أوافيكي بالتطورات ودرجات التعب اللي راح أمر فيها ..:44:.. أجرب أسبوع وأشوف وش راح يصير والله لو توفق وليدي في الموضوع راح أنسى التعب كله .. فلا تنسيني من دعواتك يالغاليه .. تقبلي تحياااتي ..الله يسعدك يا أم الهتون مثل ما أسعدتيني بردك صادقه في كل كلمه قلتيها فكره الأخت...
لكن ما دام ولدج سواها فعلاً مرتين في الحمام .. فما اظن انه بعده خايف!!!! .. الا اذا كان رد فعلج أقل من المتوقع .. وهذا مجرد احتمال .. أو يمكن هو بعده متوتر شوي.
على كل حال .. لا تخلين هالسالفة تحبطج ولا ترجعين تلبسينه البامبرز ابدا لان الولد بهالشكل بيتخربط وما بيفهم مدى أهمية الحمام بالشكل المطلوب.
واذا سوا الكاكا في الهاف مرة ثانية ازعلي منه زعلة قوية (بس بدون صراخ) .. وامسكيه من يده ووديه للحمام وأشري له على المرحاض وقولي له (الكاكا هني مب في الهاف) .. واحرميه من اي لعبة يحبها وايد .. وقولي له (ما في لعبة الا عقب ما تسوي الكاكا في الحمام المرة الياية) .. ونفذي كلامج فعلا .. يعني لا تعطينه اللعبة الا عقب ما يسوي الكاكا في الحمام حتى لو سواها عقب يومين او ثلاثة .. ولو سواها في الهاف مرة ثانية تمي على زعلج ولا تاخذين الموضوع عادي عشان يفهم ان غلطته زعلتج منه بجد .. بس اول ما يسويها في الحمام على طول روحي هاتي له لعبته وعطيه اياها وقولي له (انت شاطر وبطل وسويت الكاكا في الحمام عشان جذي باعطيك لعبتك اللي تحبها)
ونفس الأسلوب ممكن تطبقينه بالنسبة للبول بعد.
يعني مثل ما اتفقنا قبل .. طبقي أسلوب الثواب والعقاب بشكل حازم وجاد.