كوبونات الراقية تسجيل الدخول

hanooonah
hanooonah •
أم نسيبه أم نسيبه :
يااللـــــــــــــــه احسه شي مرره صعب والله الفطام اهووون كثير وقله النوم اهوووون لكن هذا ثالث يوم وتعبـــــــــــــــــت بنتي عمرها سنتين قلت لها اذا سويتي بالحمام بعطيك حلاوه طبعا ماسوت الى الأن في الحمام وخرجت صيااااااح تقول هاتي الحلاوه واخذنا قصص في الحمام وقصيت لها بنت اسمها وحشه تسوي وي وي في البانتي لكن انتي شاطره تسوين في الحمام ولا فيه فااااايده (كل عمايلها في البانتي :() كل ما بغيت اعصب اقول حراااام حنا الكبار اذا تغير علينا الحمام ماندخل كيف هي طالعه من بطني ماتعرف غير البامبرز وبكره ان شاء الله بجيب لها بالونات واشووووف عموما انا ماكملت الموضوع لكن اعطاني حاااافز أم الهتون الله يسعد قلبك ويرزقك بر ولدك وتشوفينه أحسن من ماتتمنينه يااارب كلامك رااااائعه ماشاء الله وكذلك أم احلى لونه وكل من ساعد في ذا الموضوع الله يسعدكم يااارب
يااللـــــــــــــــه احسه شي مرره صعب والله الفطام اهووون كثير وقله النوم اهوووون لكن هذا...
آه الله يعينا عليهم




مر ثاني يوم ما سواها غير مره واحده في الحمام .. والباااقي برررررررررررررررره ..


ولا سوى الكبيره المسكين خلال هاليومين ..


وبدايه اليوم الثالث صحى من النوم ويصااااااارخ ما يبي يجلس على الحمام

ويردد مافي بوله

ولما اقنعته جلس دقيقتين وهو يقول مافي شي ..

وأول ما طلعنا ولبس ملابسه سواها وبكميه تدل انه كان ماااسك نفسه ..


والله اني مهيئه نفسي للتعب والملل بس والله الأمر مو سهل أبدا

وأحس بيأس انه مستحيل يتعلم ..


دعواتكم حبيباتي ..


تقبلن تحياااتي .
أم الهتون
أم الهتون •
مدام وائل مدام وائل :
اذيكم يا بنات انا عملت بنصيحيتكم ولبستة الكلوت بتاع الاطفال اللى هو القطن ومغطى مشمع المهم مفيش عقاب نافع معاه نهائى اقولة مفيش تليفزيون يضحك طيب اشيل اللعب يجبها يعطيهالى ويقولى عينيها ولو مش قدامى يدور عليها ويجى يعطيهالى اعينها لو ضربتة على ايدية مجرد لسع برضو ولا فايدة لما بنعمل فى الحمام باعطيلة بونبون واقولة طيب طالما عملت على نفسك مش هاعطيك يقولى ماما طيب طيب مفيش خروج برضو عادى اعمل اية هاتجنن خلالالالالالالالالالالالالالالالالالالالالالالالاص مستنية ردكم ضرورى اذاى يتأثر بالعقاب وعلى فكرة اانا مش مدلعاه هو الحمد لله فى كل الحاجات التانية بيسمع كلامى بس هو ربنا يهدية نشاطة زايد جدااااااااااااااااااااااااااااا ومتعب وخطر حتى على نفسة
اذيكم يا بنات انا عملت بنصيحيتكم ولبستة الكلوت بتاع الاطفال اللى هو القطن ومغطى مشمع المهم...
ما شاء الله على ولدج .. تراه مثل ولدي فديته بعد حركته زايدة وما يقعد في مكان.

بس حبيبتي المفروض العقاب يكون ناجح اذا كنا جادين فيه .... يعني مثلاً:

يوم كنت احرم ولدي من لعبته كان يفهم انا ليش حرمته منها .. وكان يتم ساكت عنها فترة وبعدين يرجع يطلبها .. فاقول له (ما في سيارة لانك الصبح ما سويت في الحمام .. وما بتاخذها الا بعد ما تسوي في الحمام) .. ويسكت شوي وعقبها يرجع يسالني مرة ثانية وارد عليه نفس الرد.

واول ما يسويها في الحمام انا من نفسي كنت اروح اييب له اللعبة واعطيه اياها واقول له (خذ لعبتك لانك شاطر وسويت في الحمام)

يعني الثبات ضروري عشان العقاب يكون له تأثير.

وفي كل الأحوال الطفل حتى لو كان ذكي لكنه بعد طفل ... يعني مستحيل يكون مب مهتم بكل الأشياء اللي انتي تحرمينه منها لهالدرجة الا اذا كان عارف انه يقدر ياخذها بسهولة حتى بدون ما يسوي في الحمام مثل ما انتي تبين.
أم الهتون
أم الهتون •
hanooonah hanooonah :
هلا حبيبتي فيكي حيل تسمعين يومياتي والا مليتي من الموضوع بجد كوني صريحه معي عشان ما يانبني ضميري وأحس اني غثيتك بموال ولدي والحمام:06: بقولك وش صار معاي اليوم اللي هو أول يوم طبعا طول اليوم بالكلوتات البلاستييكيه المبطنه ولا مره سواها في الحمام كلها برررره في الكلوت .. في تجربتي السابقه معاه كان يرفض يجلس على الحمام واذا جلس دقيقه ويقوم فاليوم اشتريت فقاعات الصابون وصرت أجلسه على الحمام والعب فيها معاه والحمد لله كل ساعه او أقل اوديه وصار متقبل الموضوع والجلسه في الحمام .. مرات يكون مو مسوي شي في الكلوت ومع ذلك ما يسوي شي في الحمام وبمجرد ما نطلع يسويها في الكلوت .. على آخر اليوم اذا سوى شي يتغير وجهه ويقول لي " في بوله " أقوله فيه ..يقوم يرد لا مافي شي .. ما أدري ليش ينكر حبيبي .. هاه وش رايك .. وضعه طبيعي .. وفي منه أمل .. والا لا ؟.. الله يسعدك على رحابة صدرك .. تقبلي تحياااتي ..
هلا حبيبتي فيكي حيل تسمعين يومياتي والا مليتي من الموضوع بجد كوني صريحه معي عشان ما...
يا حبيبتي يا هنونة .. فيني حيل ونص :biggrinlo


الغالية احنا بعدنا اول يوم .. يعني الحكم على الولد صعب الحين .. بس الاغراءات اللي تسوينها حلوة والمفروض تخليه يتجاوب وياج اكثر ان شاء الله.

بالنسبة للإنكار .. عادي .... انا ولدي نفس الشي .. ومع انه الحين صار شاطر 100% وما يوسخ ثيابه ... لكن احيانا اشوفه يتعصر ومع ذلك ما يروح الحمام لانه يكون لاهي باللعب .. فاسأله (تبا تروح الحمام)؟؟ .. يقول لي (لا) مع انه يكون واقف ولاف ريل على ريل فديته من كثر ما هو ماسك نفسه عن يطيح البول :rolleyes:



وبالنسبة للكاكا فبعد عادي .. لان الطفل غالبا يكون خايف انه يسوي الكاكا في الحمام .... وانا ولدي اول ما بديت وياه تم ثلاث ايام ما يسوي كاكا (وهذا كان سبب موضوعي هذا في الأساس :wink:)

بس يوم يبدا يتعود على الموضوع خوفه بيقل ان شاء الله.



حبيبتي فعلاً الموضوع مب سهل .. لكن صدقيني الصعوبة كلها تكون في الاسبوع الاول والثاني .. وعقب الأمور تتيسر خصوصا اذا كنتي ماشية صح في تدريب ولدج.


موفقة يا رب.
أم الهتون
أم الهتون •
HTOOON1 HTOOON1 :
وش ردة فعلي اذا عملتهاع نفسها.... ابين لها اني زعلانه ومتضايقه واقول ليه مارحتي الحمام ليش عملتيها ع نفسك ... انتي كسلانة ... اكرر هالكلام تقريبا مرتين او 3.. بعدين هي تسألني :عن الحلاو..؟ اقول لا مارح اعطيك ... بعدين تسكت وتتضايق ... انا اللي مضيق صدري انها في بداية التعليم كانت تقول ابي حمام... الحين لازم اوديها بنفسي ...مع اني والله ما اقصر اشجعها وابوسها واحضنها .. ومشكوووووووورة يابعد هالدنيا اشغلناك بعيالنا وليته على شي يفتح النفس معليش ياعمري ...والله انا ندعي لك من وراك ان الله يثيبك ويرزقك ماتتمنين ..
وش ردة فعلي اذا عملتهاع نفسها.... ابين لها اني زعلانه ومتضايقه واقول ليه مارحتي الحمام ليش...
يا عمري يا هتوني .. الله يكون في عونج بتلاقينها من بنتج والا من تعب الحمل .... والله انج مأجورة ان شاء الله.

شوفي الغالية .. جربي انج تحرمينها من شي ثاني أهم عندها من الحلاو .. ولا تترين لين هي تسأل عنه عشان تقولين لها انها محرومه منه .. لا

يعني مثلاً اذا كانت عندها عروسة تحبها وااايد .. أو مثلاً تحب تلعب في الحديقة أو تحب تروح الألعاب .. اختاري شي تحبه وايد ... ويوم تسويها على ثيابها ازعلي منها وايد ونازعيها بس بدون صراخ .. وخذيها للحمام وقولي لها (احنا قلنا البول والكاكا هني في الحمام مب في الثياب .. انتي مب شاطرة وانا وايد زعلانة منج .. وما باخليج تلعبين بعروستج لانج مب شاطرة وما تسوين في الحمام)

وعقب خليها تقعد على المرحاض أو النونية .. وشوفي اذا بتسوي او لا (انا ولدي احيانا كان يكمل في الحمام حتى لو كان موسخ ثيابه) .. وعقب نظفينها وغيري لها ثيابها وبيني لها بتعابير ويهج انج وايد متضايقة من ثيابها الوسخة. وعقب لا تكلمينها .. يعني لو هي كلمتج لا تردين عليها عادي كأن ما صار شي .. أو على الأقل لا تردين عليها بسرعة .. خليها تفهم انها سوت شي كبير وانج زعلانة بجد.

وأول ما تسوي في الحمام روحي من نفسج وعلى طول هاتي لها عروستها وعطيها اياها وقولي لها انج مبسوطة منها لانها شاطرة وسوت في الحمام وعشان جذي بتعطينها عروستها اللي تحبها.


الشي الثاني .. اطلبي من زوجج يشارك في الموضوع.

انا زوجي يشتغل في مكان بعيد .. ويتم في دوامه لمدة ثلاث اسابيع كاملة .. ومع ذلك كنت اخليه بين فترة وفترة يكلم ولدي بخصوص الحمام .. يعني مثلاً اذا كان الولد شاطر ومسوي في الحمام اقول لابوه فيكلمه ويمدحه ويعطيه بوسة عبر الأثير :wink: .. واذا كان موسخ ثيابه خليت ابوه يكلمه ويبين له انه هو بعد زعلان منه لان وسخ ثيابه وما راح الحمام مثل الشطار ... وصراحة هالحركة كان لها تأثير إيجابي على الولد.

لكن حبيبتي أبداً لا تخلين ريلج يتكلم جدام البنت بخصوص الحمام .. يعني سالفة انه يقترح انج تأجلين الموضوع لين تكمل ثلاث سنوات المفروض ما تنقال جدام البنت ابداً .. لانها بتحس ان الموضوع مب مهم وايد ما دام واحد فيكم مب متحمس بالقدر المطلوب.
أم الهتون
أم الهتون •
أم نسيبه أم نسيبه :
يااللـــــــــــــــه احسه شي مرره صعب والله الفطام اهووون كثير وقله النوم اهوووون لكن هذا ثالث يوم وتعبـــــــــــــــــت بنتي عمرها سنتين قلت لها اذا سويتي بالحمام بعطيك حلاوه طبعا ماسوت الى الأن في الحمام وخرجت صيااااااح تقول هاتي الحلاوه واخذنا قصص في الحمام وقصيت لها بنت اسمها وحشه تسوي وي وي في البانتي لكن انتي شاطره تسوين في الحمام ولا فيه فااااايده (كل عمايلها في البانتي :() كل ما بغيت اعصب اقول حراااام حنا الكبار اذا تغير علينا الحمام ماندخل كيف هي طالعه من بطني ماتعرف غير البامبرز وبكره ان شاء الله بجيب لها بالونات واشووووف عموما انا ماكملت الموضوع لكن اعطاني حاااافز أم الهتون الله يسعد قلبك ويرزقك بر ولدك وتشوفينه أحسن من ماتتمنينه يااارب كلامك رااااائعه ماشاء الله وكذلك أم احلى لونه وكل من ساعد في ذا الموضوع الله يسعدكم يااارب
يااللـــــــــــــــه احسه شي مرره صعب والله الفطام اهووون كثير وقله النوم اهوووون لكن هذا...
وان شاء الله يوم صاحت عطيتيها الحلاوة؟؟؟؟؟؟؟؟؟؟؟؟؟؟؟؟؟؟؟؟؟ :mad:


الغالية أم نسيبة .. الموضوع صعب فعلاً .. وييالها بال طويل وصبر كبييييييييير.

لكن صدقيني التعب كله في البداية بس لين البنت تتعود وكل شي بيصير اسهل ان شاء الله .... بس انتي شدي حيلج.


عموماً .. ثلاث ايام عادي ما تسوي في الحمام .. عطيها لين اخر الاسبوع وشوفي شو بيصير وياها .... بس لا تنسين الثواب والعقاب مثل ما شرحتهم في ردي على هتوني ومدام وائل.


باعطيج مثال لشي كنت اسويه مع ولدي .. وهالشي كان خاص بالكاكا بس لان الكاكا عادة اصعب من البول,

اشتريت له فقاعات الصابون وخليتها في الحمام فوق الحوض .. وكنت اقول له لو سويت كاكا في الحمام باخليك تنفخ وتسوي فقاعات صابون تطير في الحمام .. وفعلاً لما كان يسوي الكاكا في الحمام بروحي اروح اييب له فقاعات الصابون واخليه يلعب بها شوي حتى وهو بعده يالس على المرحاض .. وعقب اغسله والبسه ثيابه.

وطبعاً اذا ما سوا كاكا في الحمام وسواها في ثيابه فأكيد ما في فقاعات صابون.

وهو فديته فهم الموضوع وصار من نفسه يسألني عن الفقاعات اذا سوا الكاكا في الحمام وكان فديته يقول لي (ماما انا كاكا ابا اففف) .. يعني انا سويت كاكا في الحمام ابا انفخ الفقاعات :tongue:

وبالمناسبة .. ما كان مسموح له يلعب بفقاعات الصابون ابدا ابدا طول اليوم الا في حالة واحدة بس وهي انه يسوي الكاكا في الحمام :wink: .. يعني لو ياني خلال اليوم وطلب انه يلعب بالفقاعات اقول له (لا يا ماما .. فقاعات الصابون عقب ما تسوي كاكا في الحمام)