أم الهتون :

حبيبتي احتمال انها تغير من اختها الصغيرة (وهذا احتمال وارد) جربي تسوين مثل اختنا نغمة تائهة .. يوم تبدلين للصغيرة بيني انج متضايقة منها انها مب شاطرة وبعدها تلبس بامبرز وما تعرف تروح بروحها للحمام .. واخترعي مشهد تمثيلي وياها .. يعني قولي لها (انتي مب حلوة ووايد متعبة وكل شوي اغير لج البامبرز .. مب مثل بنتي الكبيرة الشاطرة الحلوة اللي تروح الحمام بروحها) أو (انتي مب شاطرة ووسختي البامبرز عشان جذي ما باعطيج بوسة بس بنتي البطلة الحلوة باعطيها بوسة كبييييييرة لانها تروح الحمام مثل الشطار) طبعاً قولي مثل هالكلام والبنت الكبيرة موجودة وسامعة كلامج مع اختها الصغيرة .. وان شاء الله بتتأثر بالكلام وبتحاول تتحكم في نفسها أكثر عشان ترضيج وعشان تكون فعلاً أحسن من اختها الصغيرة (الغيرة في هالحالة ممكن تنفع لو وجهناها بطريقة صحيحة)

حبيبتي احتمال انها تغير من اختها الصغيرة (وهذا احتمال وارد) جربي تسوين مثل اختنا نغمة تائهة .....

أم الهتون :

ما شاء الله على ولدج .. تراه مثل ولدي فديته بعد حركته زايدة وما يقعد في مكان. بس حبيبتي المفروض العقاب يكون ناجح اذا كنا جادين فيه .... يعني مثلاً: يوم كنت احرم ولدي من لعبته كان يفهم انا ليش حرمته منها .. وكان يتم ساكت عنها فترة وبعدين يرجع يطلبها .. فاقول له (ما في سيارة لانك الصبح ما سويت في الحمام .. وما بتاخذها الا بعد ما تسوي في الحمام) .. ويسكت شوي وعقبها يرجع يسالني مرة ثانية وارد عليه نفس الرد. واول ما يسويها في الحمام انا من نفسي كنت اروح اييب له اللعبة واعطيه اياها واقول له (خذ لعبتك لانك شاطر وسويت في الحمام) يعني الثبات ضروري عشان العقاب يكون له تأثير. وفي كل الأحوال الطفل حتى لو كان ذكي لكنه بعد طفل ... يعني مستحيل يكون مب مهتم بكل الأشياء اللي انتي تحرمينه منها لهالدرجة الا اذا كان عارف انه يقدر ياخذها بسهولة حتى بدون ما يسوي في الحمام مثل ما انتي تبين.

ما شاء الله على ولدج .. تراه مثل ولدي فديته بعد حركته زايدة وما يقعد في مكان. بس حبيبتي...

hanooonah :

حبيباتي انتهى اليوم الرااااابع ولامررررره في الحمام تخيلوا يمسك نفسه ساعه وساعتين وأفررررح أ قول ان شاء الله اول ما احطه راح يسويها ولا سواها .. ما ادري شي المشكله شافني أستخدم الحمام قدامه وما شاء الله عليه فاااهم بس ما ادري وين المشكله .. في واحده مرت باللي انا فيه ؟ وكيف انحللللت هالمشكله ؟ احتررررررررررررررررررت معاه ليه ما يسويها في الحمام وأول ما نطلع دقيقتين وهو مسويها .. .. يارب يسرها علي يااارب دعواتكم .. تقبلن تحيااااتي ..

حبيباتي انتهى اليوم الرااااابع ولامررررره في الحمام تخيلوا يمسك نفسه ساعه وساعتين...