Eng.I :

بنات ساعدوني الله يخليكم ابني يسوي الصغيره بس الكبيره ابداااااااا مايسويها لحتى البسه البامبرز يلا يسويها بالبامبرز واحيانا والله العظيم اذا ماالبسه البامبرز مايسويها اخاف عليه من التسمم واظطر البسه البامبرز عشان يعمل الكبيره الصغيره يعرف يسويها بالحمام بس الكبيره مشكله عندي ايش اسوي !!!

بنات ساعدوني الله يخليكم ابني يسوي الصغيره بس الكبيره ابداااااااا مايسويها لحتى البسه البامبرز...

أم خـالد 2006 :

الله يسعدك بردتي قلبي بردك أنا يمكن مستعجله شويتين :hahaha: بصير ان شاء الله اوديه كل نص ساعه بس كم نقعد بالحمام واطلعه يعني 10 دقائق ربع ساعه ولا كم؟...... اللحين... كل ما أوديه الحمام يكون مسوي الكاكا بالكلوت بيبي جوي ولما أحطه وأقوله على البلونه والالعاب ينبسط و يسويها مره ثانيه غصب أحسه يتعصر ياقلبي ووش اسوي ؟؟ قاعده افهمه هذا كاكا وهذا اشووو (بول) بس مو فاهم يغصب نفسه الييين ما يطلع شي صغير والله يقطع قلبي... واللحين لما أقوله يالله حمام يقعد يصييييييييييييح ويقول لأ و أوريه الالعاب بعدين يقعد في الحمام.. صار يقوم بالليل يحلم ويصيح كثير ما أدري من الحمام خايف ولا ايش.. وش رآآآيك......

الله يسعدك بردتي قلبي بردك أنا يمكن مستعجله شويتين :hahaha: بصير ان شاء الله اوديه كل نص...

أم الهتون :

قعديه في الحمام عشر دقايق او ربع ساعة مثل ما قلتي ... واذا سوا شي طبعا اشتغلي على الوناسة والمكافأة والبوسات والأحضان والذي منه .... واذا ما سوا شي قولي له: مب مشكلة حبيبة عقب شوي نرجع. ولدج حليله خاطره في المكافأة عشان جذي يحاول يغصب عمره .. بس انتي لا تخلينه ... يعني اذا خلصت الربع ساعة وما سوا شي طلعيه من الحمام .. وقولي له بنرجع عقب شوي واذا سويت وقتها في الحمام باعطيك اللعبة. بعدين الغالية المفروض ان في وقت تقريبي للكاكا .... يعني مثلاً انا ولدي كان متعود في الغالب يسويها الصبح .. فاذا كنتي تعرفين الوقت التقريبي للكاكا حق ولدج فحاولي تدخلينه الحمام على هذا الوقت. اما انه يصيح اذا قلتي له عن الحمام .. فهذا بعد طبيعي .. لانه بعده في البداية .. والسالفة بالنسبة له فيها اجبار وإلزام هو مب متعود عليه .. يعني طبيعي في هالمرحلة تحصلين منه بعض المقاومة ... بس طبعا ما عليج منه وخلج حازمة وياه وحتى لو صاح لازم يعرف انه لازم يروح الحمام ... طبعا لا تضربينه ولا تصارخين عليه .. بس اغريه ولاعتبيه واخذي السالفة بمزح ولعب بس في نفس الوقت بحزم ... لان ثبات موقفج وهدوئج هو اللي بيخليه يفهم ان السالفة مب على كيفه وانه لازم يتعلم يعني لازم يتعلم. اما انه يحلم في الليل ويصيح فما اظن ان السالفة لها علاقة بالحمام الا اذا كنتي تضربينه او تصارخين عليه في شي بعد مهم .... لا تقولين ان ولدج مب فاهم .... الا هو فاهم .. بس انتي استمري في الكلام والتوضيح والشرح .... يعني مثلا لو سواها في الحمام فعلاً لا تكتفين باللعبة او المكافأة .. لكن كلميه وقولي له انتي ليش فرحانة وليش عطيتيه اللعبة .. قولي له: (انا وايد مبسوطة منك لانك ولد شاطر وسويت بول في الحمام وعشان جذي انت تستاهل لعبة حلوة) .. وعقب عطيه اللعبة .. ونفس الشي اذا ما سوا في الحمام قولي له (مب مشكلة اذا ما في شي الحين .. بس بنرجع عقب شوي) ... واذا بلل ثيابه قولي له: (انا زعلانة منك وايد لانك وسخت ثيابك وما سويت في الحمام مثل الشطار .. عشان جذي ما باعطيك لعبتك اللي تحبها) بعد حاولي تشركين زوجج في الموضوع .. لانه دوره مهم جداً .. وحتى يوم يكون في الدوام اتصلي عليه وقولي له ان ولدنا الشاطر توه طالع من الحمام وما بلل ثيابه .. وخليه يكلمه ويسمعه كلمتين حلوين وانه هو بعد مبسوط منه .. ونفس الموقف اذا بلل ثيابه .. يعني خليه يكلمه ويبين له انه زعلان منه لانه ما راح الحمام مثل الشطار الحلوين. وما يمنع بعد انج تمدحينه جدام امج او اختج اذا كانو موجودات او كنتي تكلمينهم في التلفون مثلا .. وخليه يسمعج وانتي تمدحينه لهم .. بس طبعا المدح يكون عقب ما يسويها في الحمام فعلاً ... مثل هالمواقف بتخليه يتشجع اكثر ويتحمس اكثر لمسألة التعليم والتدريب ........ بس طبعا لا تذمينه ابدا ابدا جدامهم ولا جدام غيرهم. يعني زوجج بس هو اللي يشاركج في المواقف الايجابية والسلبية .... وباقي الناس يشاركونج بس في المواقف الايجابية ..... لانها وايد تفرق مع الطفل.

قعديه في الحمام عشر دقايق او ربع ساعة مثل ما قلتي ... واذا سوا شي طبعا اشتغلي على الوناسة...