السلام عليكم و رحمة الله و بركاته

ارجو ان تقبلوني معكم

ما شاء الله عليك ام الهتون الله يوفقك مع ولدك

لما فريت موضوعك اتحمست اني ابدا مع بتني عمرها سنة و تسع اشهر

هي لما تعملها على نفسها بتقولي كاكا و لكن اذا ادخلتها للحمام لا تفعل شي

و اذا خرجت منه تعملها على نفسها

اليوم الصبح حطيتها على القيصرية و عملت كاكا و فرحت بيها و عطيتها بسكوت بس الظهر عملتها عالبامبرز

لما نامت او صحيت حطيتها على القيصرية ما عملت شي لما قامت عملتها على نفسها

او زعلت منها كثير او خصمتها

ربنا يوفقني و جميع الامهات

اتمنى او تفهمو كلامي الملخبط

غدا ان شاء الله اوافيك بالتقرير

يا فرحتي فيكم..

مثل ما قلنا الغالية .. تعليم الحمام يبا له تفرغ .. وان شاء الله تكونين الحين مستقرة أكثر عشان تقدرين تبدين مع ولدج بداية قوية.

في البداية شوفي الولد شو يحب .. هل هو متقبل قاعدة الحمام والا خايف منها ؟ .. إذا كان متقبلها ومب خايف من الارتفاع فالافضل تعودينه على المرحاض مباشرة وبلاش النونية.

وبالنسبة للبنوتة الصغيرة .. فيمكن يكون تعب عليج ما ادري كيف بتلاحقين على اثنين .. بس يمكن الله ييسرها عليج ويسخرهم لج .. يعني احتمال كبير الغيرة تنفع في هالموضوع .. وأظن انج مثلاً اذا ولدج سواها في الحمام ومدحتيه وايد فالبنوتة أكيد بتحب انج تمدحينها هي بعد فبتحاول تقلد اخوها .. ويمكن هذا يسهل عليج الموضوع.

المهم انج اذا حسيتي ان البنوتة فعلا تبا تتعلم استخدام الحمام فلا تمنعينها ابدا ابدا .. يعني لا تقولين خلني اخلص من الولد الأول وعقب ابدا معاها .. احس انها بتنحبط ويمكن تشيل الموضوع من بالها وعقب تتعبين وياها.

أما التحاميل فبصراحة أول مرة اسمع عن هالموضوع من بنات حواء .. وما عندي فكرة ابدا عنه .. بس انا بشكل عام احب كل شي يكون طبيعي.

والله يوفقج.



أحلى لونه..

أحد الأسباب اللي خلتني ما ابدا مع ولدي قبل الحين هو اني ما كنت عارفة كيف باتصرف بالضبط .. وفعلا كنت خايفة افشل والولد ما يتعلم .. بس في النهاية ما في مفر :redface: .. ولازم نقوي قلوبنا ونتوكل على رب العالمين.

حبيبتي مثل ما قلنا قبل .. لا تحكمين على البنت من أولها .. عطيها فرصة تغلط وتخربط وتحوس الدنيا لمدة أسبوع أو حتى أكثر .. يعني هذه مرحلة انتقالية مهمة ومب سهل عليها تتأقلم مع الوضع اليديد بهالسرعة اللي احنا نتوقعها.

وعشان ما يصيبج الاحباط .. فاحب اقول لج رغم ان ولدي فديته أنجز إنجازات مهمة خلال الأيام الماضية قياساً بالفترة اللي استغرقها من وقت ما بدينا نتعلم (11 يوم) .. لكنه لين الحين حليله له كبوات بين فترة وفترة .. يعني عادي مب لأنه كم مرة سواها من نفسه في الحمام فهذا معناته اني ما اتوقع انه يتعثر شوي .. واخر كبواته اليوم قبل ما يرقد بدا يسوي الكاكا في ثيابه .. وعقب حس بغلطته وقام حليله يدور حول نفسه من الفشلة ودخلنا الحمام وكملها هناك :smile:

وانا بالمناسبة ما اعرف هذا طبيعي والا لا .. يعني هل المفروض انه عقب ما بدا يقول من نفسه (ابا حمام) انه خلاص ما يسويها على نفسه مرة ثانية والا عادي ومتوقغ انه يغلط؟؟ ... يا ريت الأمهات الخبيرات يخبرونا.

الشي الثاني انا اتفق وياج ان الاطفال ما يفهمون كلمة (انت كبير) .. خاصة ان بنتج بعدها صغيرة .. وانا ولدي ما شاء الله عليه عمره سنتين وسبع شهور .. ومع ذلك ما اقول له (انت كبير) .. اقول له (انت شاطر .. انت بطل .. انت حلو) .. طبعا اقول جذي لما يسويها في الحمام ونسوي له العرس :icon28: .. لدرجة انه هو من نفسه الحين يوم يسويها في الحمام يفرح ويصفق لعمره ويقول (انا شاطر) :7_5_131:

واظن عادي بنتج تتهرب من الحمام .. انا ولدي يسوي نفس الشي .. لكن على مين؟؟؟ :pbsmile: .... اقول له يالله نروح الحمام وبعدين بنلعب بالكرة .. أو بعدين بناكل كاكاو .. واول ما احطه على الحمام يسويها على طول .. وبالمناسبة ما في مرة قلت له (يالله نروح الحمام) وقال لي (لا) الا ويكون فيه شي فعلاً ويسويه في الحمام على طول :humm:.. بس شو بتقولين عن شقاوة اليهال :rotaeye: .. المهم انتي شوفي بنتج شو تحب واغريها بالشي اللي تحبه .. واذا رفضت تروح الحمام قولي لها (ما في كذا الا اذا رحتي الحمام) .. وطبعاً مهم جدا انج تنفذين كلامج في حالة طاعتج او لا.


وعني الغالية .. انا بديت بالضبط يوم السبت تاريخ 9/2 .. واحنا الحين في الاسبوع الثاني من التعليم .


rita

شدي حيلج وياها .. عادي تتعبج في الأول بس لما تشوفج مصرة وجادة وياها بتتعلم.

جربي وياها يوم تسويها على نفسها انج تاخذين عنها لعبتها .. وشوفي شو بيصير :pbsmile:

الله يوفقج

عندي سؤال يمكن يكون غبي بس بصراحه مادري وش تقصدون (بالنونيه؛والقصريه)ممكن توصفوها لي

النونيه اوالقيصريه مثل الحمام الأفرنجي بس متنقل مرحاض متنقل اتمنى اني افدتك

يالله يا امهات شدو حيلكم وين تجاربكم ويومياتكم
اما عن نفسي رجعت لسالفة التوقيت وهذه كانت بداياتي يعني كل ساعه بالضبط اوديها حتى لو ما قالت لأن مايفيد فيها الا كذا لأن يوم خليتها على راحتها يعني انتظرها لين تقول ما استفدت شي وهذاني رجعت زي لول من امس والحمد الله ما سوتها الا مره بثيابها لأني نسيتها