شمعة حواء..

ما شاء الله :icon18:

ان شاء الله هالتقدم يستمر أكثر وأكثر .. بس عشان ما تنصدمين ترا في احتمال يكون لها بعض الكبوات الصغيرة .. فلا تتفاجئين مثل ما انا تفاجأت .. المهم انج تستمرين على نفس الاستراتيجية .. يعني لا تطوفين كبواتها وازعلي منها وعاتبيها.

ويا رب يا رب تكون كبواتها قليلة.

أتمنى لج ولبنتج مزيد من التقدم والنجاح,


rita..

الصبر ثم الصبر ثم الصبر .. ثم الاستمرار والمداومة.



نغمة تائهة .. أحلى لونا .. عبير الرياض

نقاش جميل :smile:

الاختلاف في الرأي لا يفسد للود قضية :wink:

كل الأمهات اللي حولي وأولهم اختي كانو ينصحوني ابدا مع ولدي من وقت ما كمل السنة أو عقبها بشوي .. لكن كل القراءات اللي قريتها كانت تقول أن السن المناسب هو بين السنتين ونص والثلاث سنوات تقريباً .. وطبعاً في فروقات بين الأطفال.

وانا يوم سألت امي (أم زوجي) هي متى كانت تبدا تعلم عيالها كانت تقولي عقب ما يكمل السنتين ونص وأحيانا على ثلاث سنوات على حسب كل ياهل .. وقالت لي انها ما كانت تتعب وياهم وايد.

وعلى العكس .. زوجة خال زوجي علمت بنتها من زمان وايد .. مب متأكدة بالضبط لكن اظنها بدت وياها يوم عمرها سنة ونص تقريباً .. وبالمناسبة هي من النوع اللي ينازع ويضرب على هالسالفة حسب كلام امي (ام زوجي) .. وتفاجأت من كم يوم واحنا عندهم انها سوتها في ملابسها .. مع انها اكبر عن ولدي بخمس شهور.

لكن في النهاية .. الموضوع يعتمد على استعداد الطفل واستعداد الأم وطبعاً يعتمد بعد على قناعتها .. يعني اذا كان الولد نبيه كفاية عشان يستوعب الموضوع فمب مشكلة .. واذا كانت الأم بالها طوييييييييييييييل وصبرها كبيييييييييييير فبعد مب مشكلة.

واذا سألتوني عن رايي الشخصي .. فأنا ما كنت متحمسة أبداً اعلم ولدي قبل عمر السنتين ونص.

التقرير اليومي (اليوم الرابع عشر)

الحمدلله الأمن لا يزال مستتب .. وما كانت في أي كبوات على الإطلاق.

والولد ما شاء الله عليه لين الحين عايبته سالفة المرحاض بدون القاعدة مالته ومن وقتها يقول لي (ماما ما ابا) على القاعدة .. مع انه شكله يضحك فديته وهو غايص داخل المرحاض :icon20: .. بس الحمدلله هو عارف كيف يمسك نفسه عليه.

وفي شي ثاني صار البارحة قبل ما ينام.

كانت خالة زوجي عندنا البارحة وكانت صابة كوب شاي ومخليته على الأرض .. وولدي فديته من كثر الحركة والروحة والرجعة ما شاف الكوب وداس عليه وانكب على ريله فديته .. والشاي حاااااااار نااااااار.

الحمدلله طبعاً الله ستر وسويت له اللازم .. بس على كثر ما كان قلبي معورني عليه على كثر ما ضحكني فديته .. يوم ييت بالبسه البامبرز عشان يرقد كان بعده فديته يصيح من الم الحرق ومع ذلك لقيته يقول وهو يصيح (ماما بامبرز لا .. ابا هاف) :smile:

بصراحة تطمنت انه مرتاح من سالفة الحمام.


يالله ادعوي لي يا بنات .. باجر بنبدا الأسبوع الثالث وباسوي لولدي بعض الاختبارات :S_45:

ام الهتون بسم الله ما شاء الله على ولدك

ان شاء الله تنجح الاختبارات اللي راح تسويها لولدك

الله يوفقك

ان شاء الله ما يكون تاتر بالحرق

بالنسبة لبنتي في الصبح سوتها فالنونية او فرحت بيها

او بعد الظهر كمان سوتها فالنونية غير كدا لا تسويها فالبامبرز

مع اني انا اللي اقول لها يله على المرحاض

الله يعيني عليها

مرحبا يا أمهات..

rita


الحمدلله ربج ستر.

اصمدي يا حبيبتي ودعواتنا لج.




حبيباتي الحلوات..

قبل ما ابدا تقريري اليومي حابة اقول لكم معلومتين قريتهم اليوم .. وأظن انهم بيريحون بعض الأمهات.

المعلومة تقول (لا فائدة من محاولة تدريب طفلك على النونية قبل أن يصل إلى المراحل المطلوبة في تطوره. البدء المبكر سينتج عنه في أحسن الأحوال الكثير من بقع البول والملابس الداخلية المتسخة واسوأ ما يحدث أن يضطرب طفلك ويقاوم وتطول مدة التدريب.
التدرب على النونية، مثله مثل الحبو والمشي، له علاقة بتطور الطفل، وسيكون الطفل جاهزاً له بحسب وقته، وسواء أكان يصبح جاهزاً في وقت مبكر أو في وقت متأخر فإنه ليس لذلك علاقة بذكاء الطفل أو بأي جانب آخر من قدراته، على سبيل المثال: الطفل الذي يتأخر في الحبو لن يكون بالضرورة أكبر سناً من غيره عندما يصبح جاهزاً للتدرب على النونية، وعلى نحو مشابه فإن الطفل الذي يتخلص من الحفاظ باكراً لن يكون بالضرورة أسبق من غيره في تعلم القراءة.
أفضل طريق للنجاح هي ان تتبعي قدرة طفلك، لا لزوم للعجلة، ومثلما هي الحال في اكتساب المهارات الجديدة كلها، فغن طفلك سيبلغ تلك المرحلة بحسب وقته، كوني صبورة وانتظري إشارات استعداده فذلك يساعد في تمهيد الطريق لنجاح مبكر .. وهذا بدوره يعزز ثقة طفلك بنفسه )

انا قلت اخبركم هالمعلومة عشان ما حد ينحبط من تأخر ولده أو بنته في التعلم

المعلومة الثانية تقول (يغلب أنه كلما تأخرتِ في البدء في تدريب طفلك على النونية كانت مهمتكِ أسهل، فقد بينت الدراسات أن العديد من الأطفال الذي بدأوا تدريبهم قبل عمر الـ 18 شهراً لم يكتمل تدريبهم قبل أن يبلغوا الرابعة من العمر، في حين أن الأطفال الذين لم يبدأ تدريبهم إلا بعد أن بلغوا السنتين من العمر كان تدريبهم قد اكتمل بحلول السنة الثالثة من عمرهم))


والآن إلى التقرير اليومي :smile:

اليوم الخامس عشر

(بداية الأسبوع الثالث)


طبعاً مثل ما قلت لكم اني اعتبارا من اليوم ناوية اسوي اختبارات حق ولدي .. عشان جذي خليته اليوم بدون ما ادخله الحمام وقلت بانتظر لين هو يقول لي من نفسه انه يبا يدخل الحمام.
بس كل نص ساعة أو ساعة الا ربع كنت اسأله اذا يبا يروح والا لا .. والإجابة الغالبة طبعاً هي (لا) :dry:

بصراحة استغربت من الموضوع لاني يوم كنت ادخله الحمام كل ساعة كان دايما يسويها .. فكيف الحين تمر ساعتين او ساعتين ونص وما يقول انه يبا يدخل الحمام؟!!!!
وقلت لنفسي أكيد اللعب والحركة تلهيه وما يحس بالموضوع الا يوم ينحصر على الاخر.


المهم .. كيف كانت إجابات ولدي في الاختبار؟؟؟

الصبح قام الساعة ثمان ودخلته الحمام طبعاً .. وخليته لين الساعة تسع وعقبها شفته واقف مش على بعضه :smile: ..فسألته (شو فيك) .. قال لي (كاكا) .. وفعلا سواها في الحمام .. وبعدين تم لين الساعة عشر .. وقبل ما نروح نتريق سألته اذا يبا يروح الحمام فقال لي (هيه) :icon18:

وبعدين خليته لين الظهر .. ويوم قلت له يالله نبدل ملابسنا عشان نرقد شوي .. قال لي (ماما ابا حمام) :icon18:

وقام من النوم الساعة ثلاث الا ربع ووديته الحمام وعقب نزلنا نتغدا .. وتم لين الساعة خمس ما قال شي .. ويوم دخلنا الحمام عشان اسبحه قال لي (ماما ابا حمام) :biggthump

وتم من وقتها لين الساعة ثمان .. أنا أسأله وهو يرد (لا) .. فقمت اصلي على اساس عقب الصلاة البسه البامبرز واحطه في السرير .. بس وانا اصلي سمعته يقول لنفسه (حمام .. حمام) .. ولمحته فديته يركض على الحمام .. وبعدها بثواني رجع وقف قبالي وهو ماسك عمره .. طبعا اضطريت اطلع من الصلاة (استغفر الله العظيم) .. ولقيته مقطر على ملابسه وكان فاصخ قميصه.

تتوقعون ليش؟؟؟؟

فديته هو كان يبا يفصخ ثيابه عشان يقعد على الحمام .. بس شكله بعده مب مستوعب انه لازم يفصخ بنطلون البجامة بس وعلى باله لازم يفصخ ثيابه كلها :smile: .. ففصخ القميص ويوم شاف نفسه قطر على ثيابه قبل ما يفصخ رجع لي مرة ثانية وانا اصلي.

المهم اني خذته وحطيته على الحمام وكملها هناك فديته.

وعقب ما لبسته البامبرز وحطيته في السرير بشوي قام وقال لي (ابا حمام) .. وفعلاً وديته وسواها .. وكرر اللي سواه فيني من كم يوم .. شكله بيستوي مسلسل قبل النوم .. الحبيب يشحططني وراه على الحمام ثلاث مرات في أقل من نص ساعة :crap:

بس اللي كان مصبرني انه ما كان يقص علي وانه كان يسويها فعلاً .. وعقب ما اكون حاسة اني ابا :024: اقوم :luvkiss:


إجمالاً أحس ان ولدي نجح في الاختبار بشكل جيد .. والا شو رايكم يا خبيراتنا؟؟

اهلين يا امهات بغيت اسألكم وش نوعية الهافات الي تلبسونها عيالكم بعد ما يتعلمون الحمام اني شريت كم هاف محشي قطن بس ماجربته مع بنتي ينفع لو نقطت ما يسرب