مراحب جميعا..

والله موضوع مهم دقيتوا عالجرح ...
انا بنتي من قبل تكمل سنتين عودتها بس انه اذا شلت البامبرز ماتسويها على نفسها والحمدلله ماكانت تسويها ابد الا نادررررررررررا والين الحين (عمرها سنتين و7 شهور) اشيل الحفاظه اغلب اليوم ماتسويها على نفسها ولما اوديها الحمام ماتحب تسويها لما تحس شي بينزل تقوم وانا انقهررررررررررر ..يعني ماسوتها في الحمام الا مره :icon33:
المشكله حنا مشكلتنا مشكله .. متنقلين كثير ما فيه استقرار.. مره عند اهلي ومره عند اهله ومره شقق مفروشه وفوق كذا شتاء
وشريت لها القيصريه تلعب فيها مارضت تفهم انها حمام خخخخخخخخخ

فقلت اول مايبدا الصيف بحاول استقر اكثر عند اهلي واعلمها لان اتوقع ان شاءالله تعليمها الفعلي ماراح ياخذ وقت .. لانها تقولي اذا تبغى الحمام وصارت تتضايق من الحفاظ ماتبغاه يطول عليها
الله يعين المشكله بعد انه يمكن اسافر خلال الشهر الجاي للدراسه ... واخاف تحوسني في الطياره


الله يوفقنا جميع .. الي عندها نصيحه لي تسدحا هنا :44:

يووووه كل يوم امر على الموضوع
مره متحمسه حيل
ودي ابدا مع بنتي بس ماني عارفه كيف عمرها سنتين و3 شهور
um hana2

الله يعينك فعلا انا احس الاستقرار اهم شي بالموضوع لان كثرة التنقل
تلخبط الطفل
من رايي اذا سفرتك للدراسه قريبه اجلي الموضوع الين تستقرين
افضل لك
احس الطفل لازم يتعلم بمكان مستقر الين يتعدى المرحله
الله يكتب اللي فيه الخير

مرحبا يا حلوات..


عاد سامحوني ما ييتكم البارحة .. زوجي العزيز :heart: رجع من الدوام بعد غياب ثلاث أسابيع .. وانتو طبعا فاهمين الظروف :pinklove2


نغمة تائهة .. أحلى لونة..

قهرتوني .. شعمنى انا ولدي عينه قوية يوم كان يسويها على نفسه لا كان ينخش ولا شي :ohwe:



شمعة حواء..

حبيبتي لا تزعلين نفسج وايد .. ولا تضغطين على نفسج ولا على بنتج .. اذا مرت فترة اسبوع او أكثر بدون أي تقدم فيمكن البنت تكون بعدها مب مستعدة للموضوع .. فممكن توقفين التدريب لمدة أسبوع أو أسبوعين مثلاً وعقب ارجعي ابدي وياها من الأول .. أما اذا لاحظتي تقدم ولو طفيف فماعليه طولي بالج واصبري عليها لين تصير أحسن وأحسن.

بس تذكري انها في الأسبوع الأول ويمكن حتى الثاني ما بتقول لج (ابا اروح الحمام) من نفسها .. يعني كونها تسويها في الحمام يوم انتي تودينها فهذا في حد ذاته شي ايجابي جداً.

ولا تنسين الثواب والعقاب.

دعواتي لج من قلبي.




سعودية اوريجينال

والله التربية كلها تعب .. الله يعين كل أم يا رب العالمين.




um hana2

نغمة تائهة ما قصرت الله يجزاها الخير .. ابدي بداية جادة وان شاء الله بتلاحظين النتيجة الايجابية .. وأنا اتفق وياها ان التنقل ما له دخل .. المهم في البداية انكم يوم تطلعون ما تطولون في الطلعات.

وأهم شي الثواب والعقاب .. ترا لهم مفعول السحر على الأطفال.



بلاد العجايب..

حبيبتي ارجعي للصفحات الأولى في الموضوع وشوفي كيف كانت بداياتنا وتطوراتنا مع عيالنا بالاضافة طبعاً لرأي الخبيرات قبلنا .. وان شاء الله بتعرفين كيف تبدين مع بنتج .. ولا تنسين تبشرينا بالتطورات.

التقرير اليومي (اليوم التاسع عشر)

لا تخافين يا نغمة .. الحمدلله الله ساترها ويانا :biggrin2:


الحمد والشكر لله .. لا يزال الأمن مستتب .. وما في أي مشاكل على الإطلاق.

الولد شكله عجبته سالفة انه يروح الحمام بروحه عشان يسوي كاكا.

الصبح سار الحمام بروحه بدون ما يقول لي وسوا الكاكا وعقب ناداني عشان اغسله :icon18:

والعصر سألته اذا يبا يروح الحمام والا لا .. فقال لي لا .. فقمت عشان اصلي العصر ولاحظت انه يطالعني .. قلت له (شو بلاك؟ .. تبا الحمام؟) .. قال لي (لا .. ماما صلي .. صلي) ... يعني يباني ابدا الصلاة :rolleyes:

انا بديت اصلي وانا قلبي ماكلني وشاكة فيه .. وسبحان الله أول ما قلت الله اكبر قام وركض على الحمام وسوا كاكا :2thmup:

بس المشكلة عاد انه يوم خلص انا كنت بعدني اصلي .. فطلع من الحمام بخياسه وراح عند ابوه اللي كان راقد في السرير عشان يبشره انه سوا كاكا :biggrin:

وقام ابوه حليله وهو فاتح نص عين يقول شو هالريحة الخايسة :humm:


وصراحة انا عيبني ان ولدي يبا يعتمد على نفسه .. فما صرت أسأله عن الحمام .. صرت اقول له اذا تبا تروح الحمام تسوي بول او كاكا ادخل بروحك وخلص وعقب نادني عشان اغسلك .. واحسه صار متحمس اكثر للحمام يوم قلت له جذي.



بس في شي محيرني .. كل مرة يسوي فيها كاكا اغسله .. وعقب شوي اشوف هافه عليه لطخة كاكا مع اني اكون مغسلته عدل وبالصابون بعد .... فشو المعنى؟؟؟

مراحب
يا الله صباح خير وبنتي مسويه الكبيره في ثيابها وبعد ما سوتها قالت لي اوديها الحمام ويش اسوي في عمري ؟واني على وشك ولاده