يعطيك العافيه يا ام الهتون على النصايح الحلوه بس اني موتوني مبديه وياها سالفة الحمام من زمان صار لي سبعه شهور يوم اني حامل بشهر وللحين فيه كبواتيعطيك العافيه يا ام الهتون على النصايح الحلوه بس اني موتوني مبديه وياها سالفة الحمام من زمان صار...
يا عمري يا شمعة حواء. صراحة سبع شهور فترة طويلة .. يمكن فعلا البنت بعدها مب مستعدة .. ويمكن المفروض فعلاً توقفين الحين وترجعين تبدين مرة ثانية بعد الولادة. عموماً انتظري الخبيرة نغمة تائهة يمكن يكون عندها حل أحسن. والله يعينج يا رب.يا عمري يا شمعة حواء. صراحة سبع شهور فترة طويلة .. يمكن فعلا البنت بعدها مب مستعدة .. ويمكن...
الله يهديج خمس أيام وتقولين تعبتي وياه؟؟؟؟؟؟
عيل شو تقولين عن شمعة حواء حليلها؟!!!!
طولي بالج الله يبارك فيج واصبري اصبري اصبري.
في الأول عادي يخاف يسوي كاكا في الحمام .. ترا عيالنا نفس الشي .. لأنهم بعدهم ما يكونون متعودين على الحمام .. لكن مع الوقت الخوف بيخف وان شاء الله بتحصلينه سواها في الحمام :smile:
العقاب؟؟ ... وما أدراك ما العقاب :smile:
أهم شي لا تضربين .. ولا تعصبين وايد .. ازعلي يوم يسويها في ثيابه .. بس ازعلي بجد .. وقولي له انج زعلانة لأنه وسخ ثيابه وما راح الحمام مثل الشطار .. وعقب لا تطالعينه .. واذا كلمتيه كلميه باختصار بدون ما تدلعينه عشان ما يحس انج نسيتي الموضوع وذكريه انج بعدج زعلانة لأنه سواها في ثيابه .. واذا وسخ ثيابه مرة ثانية احرميه من لعبة يحبها أو أي شي تعرفين انه متعلق فيه .. وقولي له (ما في لعبة الا يوم تسوي في الحمام المرة الياية) .. ولو قلب الدنيا لا تعطينه اياها الا يوم يسويها المرة الياية في الحمام .. واذا سواها فعلا في الحمام نفذي وعدج وعطيه اللعبة على طول .. وافرحي وسوي له عرس في الحمام وصفقي له وبوسيه واحضنيه عشان يحس انه سوا شي مهم .. لأنه يوم يحس بالإنجاز بيحاول يكرره عشان يفرحج وعشان يحصل اللعبة اللي يحبها.
شوفي انا كنت ناوية ألجأ للضرب مع ولدي اذا مر وقت طويل بدون ما يتعلم .. بس بصراحة لقيت ان الثواب والعقاب أنفع وأحسن وما يترك أثر سلبي في نفس الولد ولا يخليه يكره الحمام مثل الضرب.
ومع ان ولدج ممكن يتعلم بسرعة .. لكن حظي في بالج انه لازم بيتعرض أحياناً لبعض الكبوات والعثرات .. فلا تتفاجئين بس استمري على مسالة الثواب والعقاب وشوي شوي الكبوات والعثرات بتخف لين تنتهي.
والله يوفقج يا رب.